鄧麗欣13歲愛犬患嚴重濕疹 毛毛剃清光冇晒心機好陰功

鄧麗欣Stephy近日於Instagram限時動態透露愛犬近況，就快13歲大嘅貴婦狗狗「年糕」身患白內障及糖尿病，聽覺也已減弱，日前年糕背部長滿嚴重濕疹嘅狀態更惹人心疼。

同場加映：林子善獲黃子華教路喊出未來 淚謝伯樂扶持：劉佩玥係我幸運星

{{hket:ul-video id="7952"}}{{/hket:ul-video}}

{{hket:inline-image name="197574.jpg"}}{{/hket:inline-image}}

Stephy日前post出一張年糕毛毛剃清光嘅相，見到佢背上有大面積紅腫，表皮破損仲延伸到後頸，鄧麗欣更以流淚表情符號表達了對愛犬的心疼，並祈求年糕能盡快痊癒。鄧麗欣於隔日上傳咗年糕趴住休息嘅相，睇落冇晒心機，不過Stephy就留言表示：「今日有少少好轉，多謝大家關心，年糕仔會加油。」加埋愛心符號表達對網友關心嘅謝意。

當年鄧麗欣係喺狗場遇見10個月大嘅年糕，雖然原本想搵年紀再細啲嘅狗狗，但見到年糕一眼之後，就決定將佢帶返屋企。玩具貴婦狗年糕非常黐人，而且仲好乖乖唔會周圍搗亂，陪Stephy走過各個演藝事業波折同幾段情路，雖然愛犬身體健康已逐漸衰退，鄧麗欣仍認為年糕永遠係佢心目中嘅BB，相信都係每個好主人嘅想法。

圖片來源：Instagram