江若琳與奶奶從來冇婆媳糾紛 箇中原因被網民一語道破

日前ViuTV播出全新節目邀請「星級婆媳」上節目煮飯仔，日前播出嘅一集就有江若琳同佢奶奶。江若琳同老公相處一向搞笑得嚟又和諧，估唔到連奶奶都好錫佢，二人相處都好有喜感！

同場加映： 中年好聲音｜ 顏志恒浴室歌王走上舞台越戰越勇 望成為兒子好榜樣：夢想無價

{{hket:ul-video id="7928"}}{{/hket:ul-video}}

Elanne post出多張同奶奶合照，大讚奶奶好相處，留言：「第一次同奶奶拍節目😂好好玩既一次，記錄下我哋嘅婆媳糾紛，但sorry一直都好和諧，糾紛從不出現，我奶奶嘅人生除咗笑，扮靚同影相📸️ 基本上同咩人都相處到，何況係我，簡直無難度。」

{{hket:inline-image name="339529551_776030307038025_4702199917984982171_n.jpg"}}{{/hket:inline-image}}

唔少網民都話佢好幸運，同時都好羨慕佢有個咁好嘅奶奶；不過就有人一盆冰水淋落Elanne個頭，留言：「試下一齊住😂」相信Elanne都明白相見好同住難呢個道理，都覺得一齊住就未必咁和諧，留言：「笑咗。」又有網民留言話小朋友出世之後就不一樣了，大家即管睇下Elanne生完Ｂ之後仲會唔會同奶奶咁Peaceful喇。

《廚神奶奶是你媽》中6對星級婆媳各有200元預算，並於在限時半小時內，合作煮出一款或以上的拿手家常菜，以爭奪出線名額。而第一集首先出場有徐蒨寧（阿姨）及奶奶Amy，兩人竟然挑戰煮出4款菜式。而江若琳及奶奶Peggy就決定用「蝦膏蒸豬肉」出戰，雙方均炮製出自家獨門拿手菜式，難分高下。

Elanne一向都係「地獄廚神」，笑言曾親下廚炮製「薑蔥蠔」，怎料慘令老公Oscar瘋狂肚屙，更差點食物中毒：「因為我miss咗啲步驟，唔記得咗要烚一烚啲蠔先炒，點知老公全部食晒，差啲要入醫院！」Elanne嘅刀功亦令在場各人替佢緊張，一旁嘅奶奶「錫住」，爆出一句「等我切啦不如」引得全場爆笑。 

圖片來源：Instagram