何超蓮竇驍結婚請唔到佘詩曼？ 千金樸素着一嚿水平民布鞋

賭王何鴻燊三房千金何超蓮（Laurinda）與未婚夫竇驍日前齊齊現身香港一間平民小店同好友佘詩曼飯聚，更被網民影到分享。焦點落喺兩位女神身上，二人雖然係唔同年齡層，但就各有美態，而且都係咁樸素貼地，抵佢哋咁受歡迎呀！

同場加映：  陳泳伽將拍拖6年男友降Level變戰友 介意前度冇目標：唔想好似湊仔

{{hket:ul-video id="7925"}}{{/hket:ul-video}}

{{hket:inline-image name="bkn-20230404190118158-0404_00862_001_03p.jpg"}}{{/hket:inline-image}}

唔少人都唔記得阿佘同呢對小情侶有咩淵緣，其實3年前阿佘同竇驍拍過《燕雲台》，另外，而竇驍亦與同枱嘅監製鍾澍佳合作過4套劇集。而阿佘同監製鍾澍佳現時正忙於拍攝無綫新劇《News新聞女王》，阿佘回應指原來當日何超蓮同竇驍去探佢哋班，所以收咗工就一齊食飯，而竇驍就話好想食煲仔飯，所以就一齊去一間好出名食煲仔飯舖頭食嘢。竇驍同超蓮即將結婚，都有請阿佘同鍾澍佳，不過二人都趕拍新劇，去唔到飲咁話。

超蓮與阿佘同淡妝靚樣隨即成為話題，雖然47歲阿佘足足大超蓮16年，不過就咁睇真係一啲都唔覺呀！網民都大讚佢夠貼地親民，非常討喜！另外，當日超蓮一身街坊便服，着嘅布鞋更成為焦點。憑衣着睇，真係完全唔知超蓮係億萬富家千金小姐，當日佢着住中國國產品牌飛躍布鞋，一年前可以話係一街都係，仲要約人民幣100就有交易，真正有錢嘅人，真係唔使周圍同人講呀！

撰文：娛樂組