40歲泳兒突發宣布「我願意」 拍拖逾10年曾揚言抗拒結婚

入行17年嘅泳兒（Vincy）近年於樂壇發展得順風順水，在頒獎典禮上奪得不少大獎。今日（4日）泳兒於社交平台無預警曬結婚戒指，疑似係拍拖多年並早已同居嘅髮型師男友Ziv求婚成功，帖子寫上：「我願意！」圈中好友第一時間送上祝福，粉絲亦紛紛留言恭喜她走向人生另一個階段！

同場加映：

中年好聲音｜ 顏志恒浴室歌王走上舞台越戰越勇 望成為兒子好榜樣：夢想無價

{{hket:ul-video id="7928"}}{{/hket:ul-video}}

不過原來只係一場誤會，泳兒原來只係宣傳佢嘅新歌，佢回應：「要同傳媒朋友同埋好朋友講聲唔好意思，令到大家誤會咗。這張圖是我後日出嘅新歌MV裏面其中一個情節同埋對白。再次講聲唔好意思令大家誤會。但對所有朋友對我的祝福同厚愛，講聲多謝，如果有喜訊的話，我一定會直接同大家公布。」

{{hket:inline-image name="339674997_747831080129770_1184747402114224642_n.jpg"}}{{/hket:inline-image}}

泳兒從不隱瞞有個拍拖逾10年男友，男友陪佢度過高山低谷，感情穩定，卻未有結婚計劃。泳兒曾經表示不認同「一紙婚書」可白頭到老，說︰「結婚對我嚟講...唔係好重要，如果話結婚係行多步，就要等一個更加good timing，有時簽咗紙可能變咗退後一步...」40歲嘅佢表示對結婚冇憧憬，曾經諗過30歲前要結婚同生小朋友，但而家就覺得結完都可以離，好多嘢係預計唔到，最緊要自己活得開心，同時覺得以婚姻綑綁住雙方，未必係最好嘅選擇。

泳兒又表示而家已經係高齡產婦，冇計劃生B，覺得生小朋友太大責任，生咗就要擺好多時間心機去栽培佢，仲要畀佢一個安穩環境成長。將來就算真係生咗小朋友，可能就唔可以再做嘢，要全心全意去照顧佢。

撰文：娛樂組