中年好聲音｜ 顏志恒浴室歌王走上舞台越戰越勇 望成為兒子好榜樣：夢想無價

顏志恒（Benson）在《中年好聲音》100強是票數最多的「人氣王」，憑他唏噓的聲線，把中年男人的味道娓娓道來，本是五星級酒店大廚的他將一首首歌變成「佳餚」呈現在觀眾眼前，受到網民、歌迷大讚，比賽上亦越戰越勇，殺入最後8強。

{{hket:ul-video id="7928"}}{{/hket:ul-video}}

Benson由細到大都喜歡唱歌，受哥哥薰陶，兩兄弟喜歡練習張學友的歌曲兼參加歌唱比賽，他笑言小時候浴室就是舞台，如今依然習慣在浴室練歌，才有「浴室歌王」的稱號。他表示過往苦無機會，一心打算跟朋友玩玩，隨便唱唱罷了，沒想到遇到《中年好聲音》的機會，說︰「電視歌唱比賽一定要露面，其實我考慮過，作為廚師係咪適合參加這種比賽呢？當中掙扎咗好耐，多謝太太好支持我，佢知我有關唱歌嘅嘢都會好投入，所以叫我去報名。」

{{hket:inline-image name="0001-12.JPG"}}{{/hket:inline-image}}

比賽長達半年時間，顏志恒要兼顧工作、家庭和比賽，絕對不容易，「我係一家之主，要幫忙照顧兩個仔，多謝屋企兩位女士，我媽媽同我太太，幫我分擔家裡瑣碎事。兩個仔成日問『點解爸爸唔喺屋企』，我話爸爸除咗返工仲要去電視台錄影唱歌，知唔知點解？兩個仔答『因為你鍾意唱歌囉』，咁就足夠喇！幸好同事們都好幫忙，知道我呢個人鍾意唱歌多過煮嘢食...體諒我，仲幫我打氣加油。之前受疫情影響，好多同事流失...感激我嘅拍檔盡量遷就。」

{{hket:inline-image name="0001-18.JPG"}}{{/hket:inline-image}}

Benson與太太育有兩名兒子，非常可愛。母子也曾現身節目為丈夫、父親打氣，Benson：「孩子未算懂事，佢哋睇《中年好聲音》見到爸爸會好開心，亦都鍾意有咁樣嘅爸爸，讚我好叻。」細仔睇得多爸爸比賽同練歌，已經學識唱《燕尾蝶》和《一首歌一個故事》，咬字不清但非常熟悉旋律。問到如果將來囝囝想做歌手，Benson有何想法？他說：「我唔覺得係問題，鍾意就去做，只要唔係做壞事，唔好去害人，無論幾多歲都好，好似爸爸咁做喜歡做嘅事。講真，到我呢個年紀（42歲），有家庭同事業，我哋有好多身分，好多事情要兼顧得到，先至有資格去追夢。仲要面對好多嘢，例如擔心被人笑，或者身分上好多負擔，呢啲先係最掙扎嘅事。」

{{hket:inline-image name="9.jpeg"}}{{/hket:inline-image}}

來到最後8強，距離冠軍只有幾步之遙，Benson表示從沒想過要爭到冠軍，「唔係冇信心，如果我能踏足到決賽嗰一晚，佔一席位已經很開心，好多人問我被淘汰會唔會感到可惜？我現在擁有的...已經賺得好多，我本來就一無所有，參加呢個比賽，肥媽帶我哋上紅館，又同團隊去馬會唱歌，加上比賽片段網上有幾十萬人睇過，呢啲全部都係比賽畀我嘅。我得到嘅比失去嘅多，仲有成班參賽者嘅友誼，大家堅老友，唔係扮。人到咗呢個年紀，一味只顧唱歌，冇爭鬥或勾心鬥角，起碼呢26強都係真心真意去相處，非常開心。」他坦言年輕人更加應該趁生活上未有太多顧慮時勇敢追夢，好好做喜歡的事，相信父母也會為他們感到自豪。

中年好聲音丨龍婷無懼批評父母化身樹窿減壓 街頭表演喜遇知音人：最美的風景【下一頁】

撰文：楊安莉
攝影：陳健珊、何家賢