陳奕迅長期被野生捕獲自覺睇化咗 「喺意大利懸崖邊都有人認得我」

陳奕迅(Eason)早前完成27場紅館個唱，隨後飛到日本北海道放假一個月充電，放鬆自己收拾心情，為世界巡迴演唱會作準備。近日Eason推出新曲《塵大師》，他坦言為了此曲花了3年時間慢工出細貨，收到李榮浩的編曲時，更不自覺流下男兒淚，認真投入。

同場加映：中年好聲音｜顏志恒浴室歌王走上舞台越戰越勇 望成為兒子好榜樣：夢想無價

{{hket:ul-video id="7928"}}{{/hket:ul-video}}

{{hket:inline-image name="E2.jpg"}}{{/hket:inline-image}}

《塵大師》一曲由2020年開始籌劃，原來Eason花了3年時間製作，「自己一直慢慢做，做咗3年，從來未試過可以慢慢咁做歌，最初有啲唔慣，以前1年出3隻碟，兩隻廣東一隻國語。」他回想90年代的四大天王更癲，1年可以推出3隻碟及拍10部電影，「大家可以慢一啲 ，又可以投入多啲落去，出嚟內容可以再深層次，其實係好開心。」

{{hket:inline-image name="IMG_2359.JPG"}}{{/hket:inline-image}}

今次《塵大師》由林家謙作曲、林海峰填詞及李榮浩編曲，製作班底強勁。他說：「收到李榮浩編曲時，我一個人隔離中，第一次聽成個人震晒，眼淚水不自覺標出嚟，可能我對音樂特別敏感，結他聲、鼓聲都太動聽.，我覺得同首歌意境好夾。」他又讚賞林海峰好認真，「歌詞、段落上下都為配合編曲修改幾次，本來首歌無達哥(吳孟達)，因為做緊嗰陣達哥過身，Jan即刻加返，作為一種默默嘅致敬。佢又畫埋個塵大師公仔畀我，等我可以出埋動畫版MV，好多謝佢。」

{{hket:inline-image name="23.jpg"}}{{/hket:inline-image}}

{{hket:inline-image name="24.jpg"}}{{/hket:inline-image}}

另外，經過27場個唱，Eason直言將之前一直拉緊的神經放鬆下來，但因為拉緊了這麼長日子，如同打結的繩子，上面仍有很深的摺痕，「未鬆晒，去旅行我都係為尋求大自然嘅寧靜，冇乜玩㗎，經常留喺住嗰間屋洗下碗，洗下地，邊洗地邊洗滌心靈。」他又透露此行學識了修理吸塵機，又拉又剪將纏在吸塵機上的頭髮、垃圾清走。Eason笑言：「嗰一刻，成個人都好有成就感，喺旅行期間都撞到好多人，好難話無人認得出我，試過喺意大利山上懸崖路邊都有人認出，所以我都化咗好多，有時間叫我影張相我都會影 ，只係如果我趕時間，我驚我太熱情一陣影完相同人吹起上嚟，我就唔影囉。」

Eason休養生息後，本月展開巡迴個唱，4月15、16 日在新加坡，5月再到馬來西亞；7月則會空降台北小巨蛋開足7場。Eason回想是否需要找健身教練練體能，豈料經理人大撥冷水，指他之前27場都沒有練，「好好笑，我諗返又係喎，我有操過，當時打下波，但係我都反駁佢咁見下健身教練吹下水唔得咩。」

{{hket:inline-image name="33.jpg"}}{{/hket:inline-image}}

撰文：梁紹明