音樂電影《日落巴黎》︳鍾楚紅爆張國榮出大絕搵客串 周慧敏化身小記者到場採訪

哥哥張國榮今年逝世20周年，無綫Facebook「TVB大寶藏」這次精選舊片段向他致敬，讓大家再一睹哥哥的風采。片段是哥哥於1989年孖鍾楚紅及吳宇森等，出席其音樂電影《日落巴黎》的記者會；當其時Vivian周慧敏以《勁歌金曲》主持人身分到場採訪，哥哥作給她的金曲《如果你知我苦衷》仍未面世。

同場加映：中年好聲音丨龍婷無懼批評父母化身樹窿減壓 街頭表演喜遇知音人：最美的風景

{{hket:ul-video id="7880"}}{{/hket:ul-video}}

{{hket:inline-image name="facebook20230331173750.jpg"}}{{/hket:inline-image}}

{{hket:inline-image name="facebook20230331173754.jpg"}}{{/hket:inline-image}}

哥哥接受Vivian訪問時，親自解釋這次拍攝的背後原因，他說：「其實音樂同電影應該分開，大家都知道電影就係影像方面，唱歌就係聽覺方面，今次TVB就好別開生面，好想將兩件事加埋一齊，就係有畫面之餘，又有歌聽，但呢個畫面純粹係一部電影。（點解會揀巴黎作為拍攝地點？）呢個完全係TVB嘅意思，我只不過聽到佢哋咁好，話Leslie嘅形象好襯歐陸嗰邊，所以我就係最佳人選，就搵我去巴黎拍呢個特輯。（可以透露少少內容講咩？）主角除咗我之外，仲有我兩位紅顏知己、好朋友，一位係張曼玉，另外一位係鍾楚紅，排名不分先後，大家都係我老友記，一打電話去話我今次要拍一個咁嘅電影、特輯，希望你哋嚟幫手，佢哋即話冇條件幫忙，所以係好開心。」

李麗珍拍《最愛是誰》MV細節位勾回憶 相隔38年跟張國榮隔空再邂逅【下一頁】

鍾楚紅當日就親自爆料，哥哥用一個方法成功叫她幫手，「因為大家咁熟，佢話係一次㗎咋，佢需要我幫一次咋，咁如果佢講到需要一次嘅話，我唔幫佢就好似太過囉！」

（↓點擊放大睇圖片↓）

眾所周知哥哥同吳宇森合作過兩集《英雄本色》，打造出一個電影經典，他們關係可謂亦師亦友，當年他就應哥哥邀請，參與《日落巴黎》其中幾場戲的導演。吳宇森表示：「今次會導演佢哋所謂感情嘅重頭戲，可能佢哋覺得我對於處理感情戲，同朋友之間嘅感情或愛情，會做得有成績，所以張國榮叫我幫手，我就義不容辭幫佢。」

撰文：梁榮達

圖片：TVB Facebook

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】