姜濤許廷鏗發脹依舊多fans 盤點七大暴肥男神一個似王晶

日前張致恒於內地登台嘅片段瘋傳，雖然終於有收入大家都為佢感到欣慰，不過佢嘅身形都成為焦點。比起高峰靚仔時期，佢結婚嘅時候已經脹咗好多，而片段中見到，近日佢嘅體重似乎都有所增長，不過都無阻佢台上又跳又唱，好積極呀。除咗佢，圈中都有好多男神暴脹，有唔少仲肥到阿媽都唔認得，以下7位又有冇邊位係大家嘅男神呢？

同場加映： 娛樂 • 中年好聲音丨龍婷無懼批評父母化身樹窿減壓 街頭表演喜遇知音人：最美的風景

{{hket:ul-video id="7880"}}{{/hket:ul-video}}

姜濤一月出席叱咤，《鏡中鏡》得到叱咤專業推介，佢演唱時又跪又落台跳，令一眾姜糖勁擔心其腳傷是否已痊癒。不過網民對佢暴脹身形更感興趣，目測起碼有180磅甚至200磅，重返未入行前肥仔樣。姜糖們都唔太介意偶像發福，有人認為最緊要健康，都有人覺得佢肥得可愛。

{{hket:inline-image name="1.JPG"}}{{/hket:inline-image}}

許廷鏗（Alfred）《全民造星IV》時擔任導師明顯發福不少，除咗虎背熊腰甚至驚現肥仔波，目測身形幾乎衝破180磅。許廷鏗於花姐身邊，視覺上拍得住身形豐腴嘅花姐，暴脹速度相當驚人。

魏駿傑當年男人味十足，是不少女性心中的男神代表。魏駿傑到內地發展後發福唔少，當時更同前人大常委范徐麗泰撞樣。之前離婚同疫情關係曾想輕生，後來睇心理醫生，受情緒藥影響一度肥多兩錢，不過依家佢就已不需服藥。

快將66歲嘅萬梓良，80至90年代拍過多齣TVB經典劇如《他來自江湖》、《流氓大亨》等，萬梓良曾一度肥腫難分，不過現已清減不少。萬梓良曾表示有遺傳性糖尿病和痛風，故必須控制飲食，由以往一餐可食三碗飯，至變成三口飯，且因注射胰島素，體形發福，更一度暴肥30kg。

鄧一君80年代開始做童星，去到千禧年都依然活躍，不過近年已經從商冇再做幕前。鄧一君坦蕩指自己發福好正常，自己家族嘅人一向都好胖，覺得以前做演員先要保持身材，但依家已經冇保持，因為工作忙，又少運動，加上年紀大，所以發福。不過童顏嘅佢反而好「滿意」發福，覺得睇落去會穩重啲。

蔡濟文1994年推出最後一張專輯後淡出樂壇，加入亞洲電視轉型為演員拍攝電視劇，約滿後，轉到中國大陸拍劇，後來接手家族經營嘅燈飾公司，喺上海開設廠房及門市後，正式退出娛樂圈。之後蔡濟文同黃翊聚會，先再出現喺大家眼前，依家嘅佢脹咗最少一倍，仲同出晒為肥嘅導演王晶撞樣。黃翊見到蔡濟文前都話佢曾經聽講佢發咗福，不過佢當時唔信：「我諗唔會啩，因為蔡仔喺我哋年代係青靚白淨，好受啲靚女歡迎，我哋好妒忌佢。」