張致恒暴脹「復出」現身內地酒吧 繼續食Boy'z人氣落力跳唱搵真銀

張致恒（Steven）和老婆區燕雯（雯雯）育有3子，夫妻屢傳離婚，一家生活拮据。雯雯從不隱瞞經濟困難，曾自爆大仔冇錢搭車返學，經常公開埋怨Steven不事生產，日前仲大爆自己被追債兼又要再搬屋，非常嚴峻。不過今日有內地網民post出Steven登台嘅片段，似乎終於有工開喇！

同場加映： 中年好聲音丨龍婷無懼批評父母化身樹窿減壓 街頭表演喜遇知音人：最美的風景

{{hket:ul-video id="7880"}}{{/hket:ul-video}}

{{hket:inline-image name="800.JPG"}}{{/hket:inline-image}}

有內地網民爆張致恒目前身在開平酒吧演出積極搵銀！影片可見，張致恒繼續食Boy'z人氣，台上大唱經典歌《La La 世界》，由於《La La 世界》都係快歌，脹咗幾個碼嘅佢都又落力扭動身軀，又唱又跳又同台下觀眾握手，出盡吃奶力！唔少網民見到佢終於有工開感到安慰，最低限度小朋友都叫有飯開，紛紛留言：「勤力工作就好」、「珍惜機會」等。不過都有網民覺得佢唔敬業：「咁都有人睇？百貨應百客」、「連減肥都懶？」等。

張致恒之前曾被多位朋友指佢欠債纍纍，日前雯雯又po story稱：「我喺呢度講多最後一次，要追數嘅，搵番問你借錢嘅人……我𠵱家只係得命一條，我每1秒，只係希望有奶粉、有飯錢！」對此，不少網民都非常心疼二人的3名兒子；而雯雯近日都開始自救，經營寵物食品同童裝生意，相信小朋友都唔使捱餓！