劉佩玥着性感睡衣扮流鶯博盡 唐詩詠「升球大墊」瑜伽服硬撼

現正播出嘅無綫劇《隱形戰隊》收視不俗，劇集中多個「女將」灑鹽花派福利，除咗早前劉穎鏇着比堅尼上陣，劉佩玥都接力成為劇中嘅「性感擔當」。至於視后唐詩詠都唔輸蝕，着上瑜伽服「升球大墊」同劉佩玥打交，畫面好震撼呀！

同場加映：死屍死時四十四│鄭中基讚呂爵安夠幽默做搞笑擔當 拍家庭戲啟發珍惜與家人溝通

{{hket:ul-video id="7836"}}{{/hket:ul-video}}

劉佩玥早前於劇中為馬國明治理傷口，劉佩玥坐喺馬國明身上分散佢注意力，將插喺佢肚上嘅玻璃碎片抆出嚟。劉佩玥眼神媚惑又不斷咬唇，着上緊身小背心，身材表露無遺，唔少網民都留言大讚劉佩玥「禾旱冚珍珠」，應多作性感演出。

{{hket:inline-image name="1.jpeg"}}{{/hket:inline-image}}

噚晚劉佩玥與吳家樂分別「喬裝」一樓一鳳同唐樓住客，身穿性感睡衣嘅劉佩玥風騷返回單位時，被恐怖分子「巴翼」廖家爵強行登門表示要「幫襯」，劉佩玥以月事作為由企圖脫身，但被對方「霸王硬上弓」，期間整個人被拋床上，此時劉佩玥嘅長腿非常養眼。

另一女主角唐詩詠都唔輸蝕，佢同劉佩玥上演一場瑜伽肉搏戲份。於劇中互相睇大家唔順眼嘅唐詩詠與劉佩玥由辦公室「踩過界」鬥到瑜伽房，事緣唐詩詠不滿林子善淪為劉佩玥觀音兵仲搞到發燒，甫見劉佩玥即針鋒相對：「咩年紀都好，最緊要唔好心地差」，不甘示弱嘅劉佩玥立即回了一句：「點都好過皮膚差。」二人講講下仲動武，除大玩「暴力拉筋」、「人肉互壓」，仲玩埋摔交，唐詩詠呢一幕上圍谷到盡，又用大髀夾實劉佩玥頭部，互扯頭髮兼叉頸，畫面出奇地暴力得嚟有啲香艷呀！

圖片來源：劇照