何超蓮出活動回應婚訊場面混亂 內地助手瘋狂推撞毀千金親民形象

近年長時間喺內地發展事業嘅已故賭王何鴻燊千金何超蓮，今日喺香港現身品牌活動，出現時令現場一度混亂同發生衝突，場面非常尷尬兼有火氣。

同場加映： 周奕瑋對「日本通」感壓力狂追資訊 克服致命傷：童顏矮小但我有能力

{{hket:ul-video id="7841"}}{{/hket:ul-video}}

今日何超蓮現身中環出席品牌活動，上月內地傳出何超蓮與竇驍將於今年四月結婚，消息一出非常震撼，不過雙方都未有一個正式回應。大班傳媒於現場等候活動結束，希望何超蓮回應婚事細節，不過大會突然宣布冇安排何超蓮接受訪問，超蓮於活動結束後就由多名助手護送離開，大批傳媒上前採訪，但遭到超蓮內地助手推撞引發大混亂。期間有記者要求超蓮停下為婚事回應幾句，超蓮有意停步之際，她身邊兩名操內地口音的助手卻不斷推撞記者引發衝突。

{{hket:inline-image name="4.jpeg"}}{{/hket:inline-image}}

有記者大聲向超蓮發問：「超蓮你不嬲都好有禮貌，不如講幾句，叫佢哋唔好再推，好嗎？」超蓮此時終於開口用普通話向該兩名助手講：「你們別推，你們先走。」何超蓮停低接受訪問：「如果我有消息呢，就會同大家講嘅。我而家未有嘢宣布，多謝大家等咗咁耐，有好消息會同大家再講。」

何超蓮以往一向以最乖巧冇架子千金見稱，當年出沒鬧市都唔會有保鏢跟身或專人伺候，對住追踪佢一舉一動嘅狗仔隊更會主動受訪，用甜笑「攻擊」求放過，網民都大讚又靚又親切，雖然贏在起跑線，但性格異常平易近人，當年不時落區派禮予學生及街坊，為做善事唔怕面懵食檸檬。

圖片來源：東星娛樂

撰文：娛樂組