拿督最後一程警察開路子孫到齊 莊思明侄女勁黐楊明融入家中

莊鍶敏（舊名：莊思敏）、莊思明及莊思華的拿督父親莊寶2月28日離世，享年83歲。莊家日前於世界殯儀館設靈並舉行大殮儀式，遺體亦已運返馬來西亞葬於莊寶母親旁邊，入土為安。

同場加映：周奕瑋對「日本通」感壓力狂追資訊 克服致命傷：童顏矮小但我有能力

{{hket:ul-video id="7841"}}{{/hket:ul-video}}

莊思明男友楊明亦有隨莊家回到馬來西亞，連日來，莊思明大嫂都不停更新社交平台限時動態，喪禮直擊不時都會見到楊明身影，可見佢已經完全融入家中。片中見到楊明父愛爆棚，幾乎全程都拖住莊思明侄女，開始嘅時候楊明冧爆望住莊思明侄女索吻，侄女都有啲害羞咁送吻；去到之後當正楊明係老竇，其中一條片段見到佢原來拖住楊明同爸爸，後來楊明唔小心甩開咗佢都馬上捉番住，之後仲索性淨係拖住楊明，搞到爸爸都好無奈。

{{hket:inline-image name="31.jpg"}}{{/hket:inline-image}}

莊思明見狀都甜笑，相信都好滿意未來老公同佢家人咁融洽，唔知二人幾時做爸爸媽媽呢！之後大嫂都有影低眾人送拿督最後一程嘅片段，拿督三女一子披麻，單手摸住靈車同父親道別，片中仲見到當地警察揸鐵馬為莊家開路，睇嚟馬來西亞人都幾敬重拿督。

莊思明早前接受訪問時表示爸爸生前已經當楊明係親生仔咁錫；而楊明當日都有為「外父」戴孝，又表示世伯莊寶係好開心嘅老人家，對人好好又鍾意笑，無論遇到甚麼問題都很正面面對，世伯臨終前承諾會照顧莊家，同佢講唔使擔心。二人婚事一再延期，楊明就表示未有確實婚期。

圖片來源：Instagram