黑暗榮耀丨章小蕙被髮型師燙傷白滑面頰 撞正宋慧喬遭人用電髮棒欺凌

現年59歲的章小蕙（Teresa）近年轉戰內地市場，不時於社交網分享人生經歷同美妝護膚心得。日前佢上載咗一張自拍照，相中見到佢面上有一大條傷痕，原來佢係被電髮棒辣到，上網「求救」。

同場加映： 周奕瑋對「日本通」感壓力狂追資訊 克服致命傷：童顏矮小但我有能力

{{hket:ul-video id="7841"}}{{/hket:ul-video}}

章小蕙上載咗一張相，相中見佢左邊面明顯有一條紅色傷痕，因為佢皮膚白滑就格外顯眼，佢留言：「工作時被國外髮型師的捲髮棒燙到了，大家有什（甚）麼祛疤tips，請給我分享」。唔少粉絲都留言表示心疼，並安慰佢表示：「不用擔心，會主動退的。」、「用燙傷膏一周就結疤，之後就沒有印了。」，不過其實網上「斷症」都真係唔一定準確，如果傷及真皮層，相信都會有印痕！咁啱得咁橋，燙傷嘅痕令網民聯想起由宋慧喬主演的韓劇《黑暗榮耀》，劇中喬妹被同學欺凌，用電髮棒辣到佢周身都係疤痕，有人講笑問章小蕙係咪被暴力欺凌；都有人擔心佢好似劇中嘅宋慧喬咁留低永久疤痕！

{{hket:inline-image name="0afac24974bc59fd2988827fa4dd4d22.jpg"}}{{/hket:inline-image}}

章小蕙近年更以KOL形象出現，開設「小紅書」同網民交流，鏡頭前嘅佢青春如昔，唔少人驚嘆現年59歲嘅佢皮膚白滑緊緻，仲有一頭濃密嘅黑髮！近日佢受訪提到同鍾鎮濤（阿B）嘅10年婚姻令佢「慢慢變成了家裡陳舊的沙發，好比失去了女性原有氣質的那種感覺。」

鍾鎮濤同章小蕙當年離婚鬧得沸沸揚揚，1996年章小蕙婚外情曝光，出軌對象嘅太太當時與癌病搏鬥中，鍾鎮濤都係睇報道先知妻子出軌，令雙方家庭飽受傷害，及後二人於翌年離婚。同年又爆出兩人欠下2.5億債務，最後阿B宣布破產，章小蕙則打贏官司，擺脫債務。

撰文：娛樂組