葉子楣罕有露面S身形更勝後生女 絕跡娛圈28年醫生男友5年前猝逝

身材非常突出有「波霸」之稱，上個世紀8、90年代艷星葉子楣，於1988年憑三級片《玉蒲團之偷情寶鑑》一炮而紅，1994年後絕跡娛樂圈，過平淡生活，雖已息影28年，但唔少影迷都好關心佢動向。佢低調，傳媒甚少影到佢行街，不過現年56歲嘅佢日前出席一個社交活動時就被「出賣」，最新圖片曝光！

同場加映：

中年好聲音丨吳大強Chill住管教任四個仔發展 71歲追夢感幸福：畀大家睇到衝勁

{{hket:ul-video id="7808"}}{{/hket:ul-video}}

日前有網民於社交平台上載一輯宴會照，葉子楣亦係坐上客，相中佢穿上低胸幼肩帶，白色長袖短身上衣，下身襯長裙，雖然露出嘅肉唔多，都見到佢嘅性感鎖骨同「呼之欲出」嘅上圍，冇咩贅肉加上少少小蠻腰同緊身剪裁，凸顯佢F Cup火辣身材，冇走樣！維持一頭短髮造型嘅葉子楣，身旁幾位年輕女士都被佢比下去！唔少網民都大讚keep得好，身材出眾女人味超強，一啲都唔似年過半百。 

{{hket:inline-image name="103.JPG"}}{{/hket:inline-image}}

葉子楣加入嘉禾電影公司憑著名三級片《玉蒲團之偷情寶鑑》走紅，成為紅極一時的三級片艷星。及後曾拍《夜生活女王霞姐傳奇》、《跛豪》、《不文騷》 等多齣電影。佢係香港影壇上曝光率比較長時間嘅艷星，1990年後黃金時代多套電影都可以見到佢蹤影，雖然角色多為二線，形像也相當深入民心。

1992年葉子楣同脊骨神經科醫生呂錫照相戀，拍畢電影《地下裁決》就絕跡娛樂圈，過平淡生活。可惜呂錫照2018年喺飛往美國途中心臟病發猝逝，葉子楣偶然被影到獨自放狗，形單隻影。

撰文︰娛樂組