MIRROR受訪姜濤狂打七次喊露 精神萎靡姜糖擔心休息不足

日前MIRROR第一套團體電影《12怪盜》海報和造型照曝光，令粉絲非常期待，MIRROR成員齊齊出席「香港國際影視展」的《12怪盜》活動，不過姜濤喺接受傳媒訪問時，不斷眈天望地又狂打七次「喊露」，心不在焉到令人擔憂！

同場加映：

李駿傑 Jeremy@MIRROR想同甜美笑容女仔「Closer」 中學時代佛系曖昧食白果

{{hket:ul-video id="7792"}}{{/hket:ul-video}}

司儀逐一問MIRROR成員對拍攝首齣團體電影作品嘅感受時，眾人滔滔不絕，但到姜濤講感想時，就簡單回答兩個詞：「開心、期待」，之後其他成員回答問題的時候，姜濤都冇正視前方，一直周圍望，完全冇焦點。

{{hket:inline-image name="9.jpg"}}{{/hket:inline-image}}

活動結束後，MIRROR成員非常用心解答記者的問題，當大夥兒有講有笑宣傳電影時，企後排嘅姜濤不斷眈天望地，繼續心不在焉，5分鐘訪問中至少打咗7次「喊露」，自己仲跳起「手指舞」，望落完全對訪問毫不關心，同其他成員全程亦零交流。

當被問到腳傷會否影響拍攝動作場面時，不斷遊魂的姜濤竟然呆咗幾秒，之後再反問成員：「有動作場面㗎咩？」隊長Lokman見狀馬上補位代答：「有（動作場面）嘅，都會遷就吓嘅，因為都未好番晒嘛。」唔少「姜糖」見狀都好擔心，叫姜濤要多多休息，唔好捱壞身體。網民又大讚Lokman睇實一班團員幫佢哋補漏，做隊長非常稱職！

雖然MakerVille早前公佈了《12怪盜》海報和造型照，惟對新戲的大綱和主題隻字不提，頗多「鏡粉」表示非常好奇電影的內容。

當記者問到《12怪盜》大綱時，正副隊長Lokman、AK大賣關子，後者搞gag︰「怪盜都係鋤強扶弱，維護世界宇宙和平，消滅巴魯坦星人啦！嗰啲都應該關我哋事嘅。」超級英雄嚟嘅？前者鬼馬透露︰「未咁犀利嘅，英雄啦！未到超級英雄嘅。」

撰文︰娛樂組