吳業坤與日籍太太補擺酒群星到賀 未有計劃造人：要努力搵錢

32歲吳業坤去年5月突在網上大掟震撼彈，在零預警下宣布和比他年輕5歲的日本藝人濱口愛子結婚，而太太現已隨夫來港定居做「香港媳婦」，更請得太太擔任新歌《百二歲》的MV女主角，實行夫唱婦隨。結婚10個月，吳業坤早前預告會在開拍新劇《NEWS新聞女王》前，和太太補舉行小型西式Party婚禮，請自己親戚同相熟朋友。今日（15日）吳業坤於尖沙咀酒店舉行婚宴，到賀的圈中好友，包括陳山聰、薛家燕、陳敏之、胡鴻鈞、鄭世豪、無綫高層樂易玲及黃浩然和太太。

同場加映： 李駿傑 Jeremy@MIRROR想同甜美笑容女仔「Closer」 中學時代佛系曖昧食白果

{{hket:ul-video id="7792"}}{{/hket:ul-video}}

吳業坤（坤哥）和日籍太太濱口愛子去年成婚，今日一對新人約於下午5:15分會見傳媒，新娘子顯得相當害羞，兩人被多次要求親嘴都耍手，最後只肯互相親吻對方面頰。受訪時坤哥獨自做訪問：「其實今日只係做返斟茶儀式，之前已經註冊咗，今日我媽媽好感動都有喊，我同太太都好感動，外父外母噚晚亦專程由日本嚟香港出席婚禮。」

坤哥透露婚宴上有穿上中式禮服，由於並非大排筵席的婚宴，只大約邀請100人出席，故未能出席的朋友稍後可能再請他們食飯。坤哥又表示在婚宴上都有獻唱一首太太喜歡的歌，中文譯音是「愛」：「其實首歌練咗幾年，但一直唔知喺咩情況下獻唱，最後揀咗今日呢個日子唱畀太太聽。」問到坤哥會否立刻造人? 他指斟茶儀式有大妗姐，大妗姐不斷重複叫他和太太生夠10個，但他希望現階段專注事業，待事業穩定下來才計劃造人。提到之前練習多時的愛情動作戲豈不是不能大派用場？他笑言最近都忙於拍劇無暇去睇，太太都會體諒的，又稱婚禮後隨即投入工作，要努力搵錢。

{{hket:inline-image name="12.jpeg"}}{{/hket:inline-image}}

家燕姐表示自己都係第一次見坤哥太太：「好開心啦，舊年演唱會我想請佢做嘉賓，不過佢話自己人在日本，識咗個女朋友，我話結婚記得請我飲呀。到坤哥返到香港，我叫佢第一時間帶太太見我，好似見家長咁，點知約咗成大半年都話唔得閒，原來佢返咗內地工作。今日佢婚宴，我當然要到恭賀佢啦，所以我今次都係第一次見佢咋！佢兩個好登對啦！」問到會否分享生仔秘訣給坤哥時 ，家燕姐笑稱：「叫佢請教阿Bob啦 ，Bob好生養，隨時可以教佢，佢除咗係媒人外呢，仲會教人點生仔！」

胡鴻鈞單拖現身婚宴，未有與緋聞女友蔡思貝一同到賀，他說與坤哥有個協定，就是任何一方先結婚 ，另一方不收歌酬為對方擔任獻唱嘉賓，他亦已計劃好送上一曲《吻別》，可是坤哥的婚禮未有這個環節，笑言本來封報紙，最後都給人情。

撰文：娛樂組