出爐奧斯卡影后︳楊紫瓊拍戲經常受傷努力求改進 做首個華裔邦女郎感覺考試合格

現年60歲的楊紫瓊日前憑《奇異女俠玩救宇宙》（Everything Everywhere All at Once）獲得《第95屆奧斯卡頒獎典禮》「最佳女主角」殊榮，成為奧斯卡史上第一位華裔影后。無綫Facebook「TVB大寶藏」剪輯楊紫瓊昔日訪問片段，讓觀眾、網民多一點認識這位出爐奧斯卡影后。

同場加映：

李駿傑 Jeremy@MIRROR想同甜美笑容女仔「Closer」 中學時代佛系曖昧食白果

{{hket:ul-video id="7792"}}{{/hket:ul-video}}

{{hket:inline-image name="mich4_600.jpg"}}{{/hket:inline-image}}

{{hket:inline-image name="03152003.jpg"}}{{/hket:inline-image}}

最早的訪問片段是1984年《歡樂今宵》，主持人是汪明荃同盧大偉，楊紫瓊以1983年「馬來西亞小姐」身分上節目，阿姐大讚她廣東話講得好好，盧大偉對她表示：「你喺英國考獲舞蹈同戲劇嘅學士銜頭，有冇興趣拍電影？」楊紫瓊靦腆回答：「好似有咁嘅機會呢，我一定會考慮，我一定返馬來西亞同爸爸媽媽再傾。」之後她在鏡頭前表演跳舞，大曬一字馬功架，身手不錯。

第95屆奧斯卡頒獎典禮丨楊紫瓊大熱奪獎成史上首位華裔影后 甄子丹無懼聯署抗議照樣亮相【下一頁】

1991年楊紫瓊分別接受《鄭裕玲星夜傾情》及《娛樂新聞眼》訪問，已是出名的打星，拍過《貓頭鷹與小飛象》、《夏日福星》、《皇家師姐》及《警察故事III超級警察》等電影，身價十足。Do姐表示：「記得你第一套戲係《貓頭鷹與小飛象》，做一個社工角色，拍完之後就轉咗做打星。」楊紫瓊：「我第一次嚟香港時，真係乜都唔識，嗰時好聽話，自己唔識嘢時，係冇理由插口話我想咁想咁。嗰時啲觀眾鍾意睇笑戲同打戲，可能佢哋（製片商）諗住我笑戲唔掂，哈哈...不如畀我打吓又係點嘅樣？就變咗打星出嚟。當你打得出嚟，都係一種演技。因為我打嘅時候，唔係要打死對手，而我個樣真係要做到一埋嚟就打死對方，我覺得都係一種演技嚟嘅。」

楊紫瓊巴黎時裝周撐東方香奈兒 零架子一個動作感動KOL：從此圈粉【下一頁】

在接受《娛樂新聞眼》細龜黃一山訪問時，楊紫瓊正為電影《警察故事III超級警察》宣傳，她說：「我第一次嚟香港時候，第一個合作演員就係同成龍，而家再有機會同佢合作。（聽聞片酬是香港女星之冠？）唔係...哈哈...（包括香港男星之冠？）希望係啦！」

楊紫瓊轉型做打星後，在拍戲過程中不時受傷，成功背後付出不少。劉淑華於1986年《Sunday K-100》訪問她及日籍男星真田廣之，追問她受傷後為何仍接高難度動作工作？楊紫瓊自信表示：「我拍《皇家師姐》嗰時受傷，整傷咗手、膊同腰。自己唔係武師，被人撻唔太慣，希望拍第二部戲時就會好啲。」

楊紫瓊勇奪金球影后 被催促落台笑稱要「打人」【下一頁】

1991年《娛樂新聞眼》的片段，做旁白的古巨基指楊紫瓊拍戲周身傷，「上星期才康復出院」，接著又跟李連杰現身《太極張三豐》記者會。當日祝文君問她：「你腰傷好番未？」楊紫瓊尷尬表示：「呀...差唔多嘞，多謝大家咁關心我。」

（↓點擊放大睇圖片↓）

不得不提，楊紫瓊於1997年到荷李活發展，拍攝《新鐵金剛之明日帝國》（Tomorrow Never Dies），是第一位華裔邦女郎。1998年她同「占士邦」皮雅斯布士南（Pierce Brosnan）來港宣傳電影，《城市追擊》派出黎芷珊到場採訪，問道：「知道自己有份演出《占士邦》嘅心情係點？」楊紫瓊說：「第一時間...嗰剎那，嘩！好似我啱啱考到試，即係pass咗，跟住好開心，好大壓力，因為係第一個華裔邦女郎。」之後2000年上映的《臥虎藏龍》，她再次走上國際大舞台，說當時走上康城紅地氈是一次難忘的體驗。

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】