食用安全｜一家三口蓮塘過關 赴深圳食蠔即日來回 港媽大讚抵食 網民嘲含重金屬

隨著通關，不少港人北上吃喝玩樂。一名港媽在社交平台發帖指，一家三口日前原本打算入大埔晚膳，丈夫卻即興建議開車到深圳用餐，一家人最終在深圳享用了一頓燒蠔大餐，並即日返回香港。港媽事後大讚這頓深圳晚餐非常抵食，「呢度食蠔真係抵過喺香港食好多，又抵又好味」。網民對此意見不一，有網民認同指「深圳呢方面贏晒港九新界」但亦有網民認為「返大陸係食元素表」。

同場加映：

Healthy Life｜每日1分鐘！經常坐易腰痠背痛 4組動作增核心+背肌力量

{{hket:ul-video id="7797"}}{{/hket:ul-video}}

丈夫：入大埔食不如去蓮塘食

據該名港媽在Facebook群組「深圳大灣區吃喝玩樂開心分享區」發帖指，當晚6時陪伴女兒在顯徑上課後，建議丈夫開車到大埔吃晚飯，但丈夫即興指：「入得大埔不如去蓮塘食。」於是他們一家三口於當晚6時半由顯徑開車出發，不夠8時已抵達距離蓮塘口岸兩個地鐵站的深圳黃貝嶺吃海鮮燒烤大餐。

從港媽分享的照片可見，他們一家在深圳分別享用了燒生蠔、燒鮑魚仔、各種串燒等，飯後還到附近便利店購買雪糕當甜品。港媽直言：

「喺中國食蠔真係抵過喺香港食好多，又抵又好味！」

翻查資料發現，港媽光顧的「李記湛光蠔庄」是當地知名的連鎖烤生蠔店，當中烤蠔價錢為每打119元人民幣（約136元港幣），即平均一隻烤蠔約11元港幣，並可選擇原味或蒜蓉。該Facebook群組網民亦在帖文下留言：「個行程幾好喎」、「食嘢大陸同大埔當然冇得比」、「深圳呢方面贏晒港九新界」、「呢間真心好食」。

不過，港媽的這則帖文事後亦被轉載至Facebook群組「大埔 TAI PO」，這群組的網民對此卻有不一樣的評價，「有冇用地溝油」、「重金屬蠔當然好食」、「返大陸係食元素表」、「食中國蠔真係勇者」、「可以儲齊元素表入面嘅元素」。

食安中心：生蠔屬高食用風險食物

生蠔有「海洋牛奶」的美譽，其鮮味深受不少港人熱愛。不過，食物安全中心曾經表示，因為生蠔經常過濾海水，所以體內容易積聚海水中的病原體，包括諾如病毒、弧菌及甲型肝炎等。當進食生或未煮熟的蠔，便有可能受這些病原體感染，繼而引致食物中毒，所以屬於高食用風險的食物。

中心續指，相比一般生蠔，預先去殻生蠔（又稱盒裝即食生蠔）的食用風險其實更高。在將生蠔去殼的過程中，蠔有機會接觸到微生物、污垢、泥土及碎屑，並受到污染。而且蠔一去殻便會死亡，若在運輸期間和貯存期間，沒有將蠔放在低溫環境下抑制細菌生長，生蠔就會迅速變壞，更容易迅速滋生細菌。

5個安心食蠔貼士

1. 購買供生食的蠔，須光顧可靠的持牌店鋪，包括網上店鋪。食物業要取得相關的許可證或書面批准，方可售賣供生食的蠔。
2. 買預先包裝的蠔，要留意產品的狀況及食用限期。
3. 不可生食只供煮食用的蠔。
4. 要殺死生蠔的致病菌及病毒，要把蠔煮至內部溫度達攝氏90度並維持90秒，便足以消滅甲型肝炎病毒及諾如病毒等常見食源性病毒。
5. 高危人士包括長者、幼兒、孕婦及免疫力弱人士，不應進食生或未煮熟的蠔，尤其是預先去殼生蠔。

U Lifestyle App睇盡《晴報》新聞資訊及自家節目 
↓↓同步更新、更快更順↓↓
【免費下載】

每朝索取《晴報》：精明生活．健康家庭．開心娛樂