張敬軒42年來首次帶父母外遊旅行 被爸爸電動輪椅轆過腳勁多笑料

張敬軒即將在英國倫敦開騷，孝順仔原來今次特別帶同父母同行，雖然張爸爸行動不便要以輪椅代步，但看來精神相當不錯，行程中都有不少笑料。原來今次是軒仔42年來第一次一家三口去旅行，他表示：「我細個嘅時候，由於老豆（竇）係公務員，阿媽又有自己嘅檔口，所以係未試過一家三口出去旅行，今次係四十二年嚟嘅第一次。」張敬軒激罕曬全家福，一家三口在白金漢宮前留影紀念，更爆笑踢爆張媽媽在公園跟當地小朋友踢波，軒仔笑媽媽已加入「耆」英超球隊。

同場加映：中年好聲音丨吳大強Chill住管教任四個仔發展 71歲追夢感幸福：畀大家睇到衝勁

{{hket:ul-video id="7808"}}{{/hket:ul-video}}

張敬軒赴英開騷獲300歌迷送行 「好耐冇見大家唔戴口罩個樣」【下一頁】

{{hket:inline-image name="hins2.jpg"}}{{/hket:inline-image}}

軒仔帶住兩老同行，結果有不少笑料發生，「影完呢張相阿老爺因為張椅係電動，所以連人帶椅碌（轆）過我隻腳，我嗌痛然後佢問我咩事，跟住我話你碌（轆）親我。然後佢話佢feel唔到，我話唔緊要，我都feel唔到自己仲有隻腳。」而他又踢爆爸爸將「白金漢宮」講成「帕金漢宮」，當爸爸問要去「帕金漢宮」要行幾耐，軒仔竟然回應話：「唔知，因為未起好。」認真衰仔！

而張爸爸在河畔影相時，張媽媽問：「有冇咩要交帶低吖？」點知張爸爸妙答話：「我唔驚，我識浮！」張敬軒平時鬼馬抵死的笑話，似乎係「遺傳」到張爸爸同張媽媽。

張敬軒大玩密室逃脫笑Jeffrey有中二病 高難度挑戰失敗：佢已經開始枯萎凋謝【下一頁】

{{hket:inline-image name="hins11.jpg"}}{{/hket:inline-image}}

{{hket:inline-image name="hins12.jpg"}}{{/hket:inline-image}}

此外，軒仔的YouTube Channel「軒公敲碗」找來深受網民歡迎的「星二代」李元元（Lucy）任嘉賓。軒仔為Lucy媽準備「Lucy一日託兒服務」，又玩試公主裙、化妝、講故事書同吹波波，不過最令人軒仔汗顏的是早餐環節。Lucy親自為軒仔設計的早餐，將薯片、粟米粒、菠蘿、麵包、茄汁豆、蛋、益力多、爆谷等混為一碟，軒仔見Lucy興奮「加料」都大感驚青，邊搖着頭邊笑道︰「我同早餐都係無乜緣份。」最後Lucy指着要加益力多及茄汁豆時，軒仔立即「眼都突」，更說︰「食完肚屙都似。」沒想到Lucy嗌：「特登呀！」

軒仔追問「賦二代」Lucy到底喜歡自己還是喜歡MC張天賦，Lucy表示兩個都喜歡，軒仔即時自信滿滿，不過當他主動自薦唱歌給Lucy聽時，Lucy竟回應︰「唔使啦。」當眾請軒仔「食檸檬」，相當搞笑。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組