吳若希3個鐘前後曬「喬裝」技術 素顏變日系妹子配MK大眼仔

吳若希（Jinny）自從生女之後就好多時間擺家庭上，事業一直都冇特別進展。不過上年開始佢又再次活躍起嚟，除咗開個唱，仲同視帝陳展鵬合作新劇《香港人在北京》，新劇在寧波取景外，更邀得梁漢文客串，陣容強大！北上闖天下，似乎有一隊團隊幫忙，近日佢返到香港之後少有咁自己化妝，尋日佢就大展「身手」，畀大家見識佢嘅「易容」之術。

同場加映：  中年好聲音丨支嚳儀無怨被醫學世家堵夢想路 涂家堯重視比賽友情成意外收穫

{{hket:ul-video id="7737"}}{{/hket:ul-video}}

{{hket:inline-image name="334544227_227469386350541_2908980221314418402_n.jpg"}}{{/hket:inline-image}}

有鼻敏感嘅Jinny，大方POST出自己嘅擤鼻素顏照，並打出：「這該死的鼻敏感。」相中嘅佢雖然畀紙巾遮咗半塊面，但都見到佢皮膚唔差，但係就雙眼無神，仲見到佢一邊單眼皮，一邊雙眼皮，似乎畀鼻敏折磨得好慘！不過3個鐘後又係一條好漢，Jinny大曬佢嘅「喬裝」技術，佢留言「好耐冇幫自己化一個全妝」，相中嘅佢搖身一變成為日系妹子，加埋一對超誇大眼仔，好似返番去十年前嘅少女潮流咁，』神之手」技術，唔講真係認佢唔到呀！

吳若希上年於廣州舉行《2022吳若希巡迴音樂會》，係佢出道12年首個個人音樂會，而開售一日，所有門票已售罄，可見吳若希於內地人氣不減。去年6月，台灣天后楊丞琳為TVB與內地內地芒果TV合辦的音樂節目《聲生不息》，作特邀嘉賓時更演繹由吳若希主唱的港劇神曲——《使徒行者》片尾曲《越難越愛》，此舉令《越難越愛》成功翻Hit，更帶挈吳若希有機會北上走埠登台，可以話係奇蹟「翻生」。估唔到，Jinny嘅人氣同造型都可以十年如一日呀！

圖片來源：Instagram