江嘉敏分手一年未忘有米舊男友？ 重提短髮被嫌棄：信任嘅人打擊我

無綫小花江嘉敏一年前與拍拖三年嘅電競公司高層Anthony分開，爆出分手之前，佢哋經常放閃甚至周街公主抱，因此分手消息傳出都有唔少人感到驚訝！江嘉敏去年連環出po以「舊人」來形容有米男友，暗示對方「出軌」兼嫌棄佢短髮造型。情已逝一年，女方疑似重提對方嫌棄佢外形，呢條刺，睇嚟都拮得好深！

同場加映：

中年好聲音丨韋綺姍為家人毅然放棄歌唱事業 中年再出發臂助追夢者更添意義

{{hket:ul-video id="7754"}}{{/hket:ul-video}}

曾經，江嘉敏、Anthony好似打風都打唔甩，有指因為男方疑似「出軌」而拜拜。28歲嘅江嘉敏近日不斷於社交裝發表似是失戀後的感性言論。例如上載兩張長髮舊照，留言似有所指：「兩個人在一起久了呢，會膩，會沒有新鮮感，但你要知道，新鮮感是和舊的人去體驗新的事物，而不是和新的人去體驗舊的事物。」又強調「知道嗎舊人」、「嗱長頭髮丫（吖）」、「一個人愛你係唔會理你長頭髮定短頭髮」，句句有骨，畀說話前男友Anthony聽。

{{hket:inline-image name="f33a635afe89e437b621e759bcef605b.jpg"}}{{/hket:inline-image}}

日前，江嘉敏又再post多張佢嘅短髮照片，指有外國人認得佢，又話佢於《新四十二章》好handsome，而家好pretty，完全係兩個人咁，笑言自己已經衝出國際。續稱《新四十二章》出街嘅第一個禮拜，佢收得最多message就係話佢carry到短頭髮，仲幾靚仔；憶起當初得知自己要剪短頭髮時非常抗拒，但剪完佢自己都好滿意咁話。

不過重點來了，幾日之前，江嘉敏呻有一段日子好難捱，因為身邊有一啲佢當時信任嘅人，不斷打擊自信，批評佢呢個短髮look：「冇嘢啊，其實望落都冇乜嘢（加成分鐘嫌棄嘅眼神同恥笑嘅聲音）！嘩！你以後真係唔剪短你個頭！好XX啊！」同佢一年前暗示前度嫌棄佢短髮look同出一轍，似乎女方仲好介懷呢件事。同時，江嘉敏表示難捱嘅日子過咗去，下一齣劇要佢光頭，作為一個演員佢都已經準備好，非常專業！

撰文︰娛樂組