劉江笑指無綫好硬淨打極都唔冧 缺好對手離巢：帶住小朋友做戲咁

現年76歲的劉江在1970年代出道，曾經效力佳藝電視、麗的電視，直至1982年轉投無綫，拍攝過大量劇集，其爐火純青的演技深得觀眾喜愛。在2020年約滿無綫，劉江決定不再續約，結束38年賓主關係；在2021年獲邀擔任《好聲好戲》的評判，當時他表明只參與綜藝節目，不會再拍無綫劇集。

同場加映：中年好聲音丨韋綺姍為家人毅然放棄歌唱事業 中年再出發臂助追夢者更添意義

{{hket:ul-video id="7754"}}{{/hket:ul-video}}

{{hket:inline-image name="12.JPG"}}{{/hket:inline-image}}

{{hket:inline-image name="11.JPG"}}{{/hket:inline-image}}

決定離開，因為薪酬被減，做到心淡。劉江早前與呂珊接受由楊紹鴻訪問，在港台節目《一起走過的歲月》上重提劉江離開無綫的原因，其中一個原因是因沒有好對手，他直認不諱：「係！冇錯，真嘅...唉，如果要講呢...會得罪好多人，唔好講喇！大家都喺呢度搵食㗎嘛，好戲嗰啲未必擺埋一齊，所以我撞親都係嗰啲...吓？哈哈哈，即係我帶住一班小朋友去做戲，OK？就係咁簡單。」

《好聲好戲》｜劉江離巢一年重返TVB擔任評審 繼曾志偉加盟後 有邊10位藝人回歸？【下一頁】

楊紹鴻問到是否「小朋友」不聽話？劉江說：「都唔係咁講嘅，佢哋都好禮貌聽你講，佢哋冇乜改進咁解囉。我哋就幸運啲，講個例子︰我喺1960年代訓練班出嚟，有齣劇開，我做壞學生，但喺畢業禮上，導演要我好感激校長、老師嘅教導，要一個好感激嘅表情，我就腳軟啦！但老演員就話，『小伙子唔使驚，OK嘅』！咁我咪拍囉，我攞住證書，同佢握手時，對方突然好大力咁握我隻手，好大力㗎！咁我就做咗一個表情，導演話good take，『有潛質』，呢啲就係佢帶住你。」在旁的呂珊說：「劉老師去到現場，on機時，佢就會有啲突發嘅演技會震撼到你，你就好自然發揮到真感情，如果唔係對戲都冇用，對白就梗咗，而演繹方法有幾十種，所以佢話要交流，遇到高手交流就係咁。」

【剖白離巢心聲】劉江做足30多年難接受搞到失眠 零收入回復自由身太太最開心【下一頁】

{{hket:inline-image name="800_8c5e17a786dc13b95a3ac057949eacc9saasftp20200221.jpg"}}{{/hket:inline-image}}

提到這行最興「飛紙仔」，劉江直言這風氣是不健康，「有一次，我等外景出發，等等等，最後飛咗紙仔嚟，我一睇，呢啲對白已經講過，監製同我講︰『你唔好搵個放大鏡去睇至得㗎，呢張紙仔係某某飛畀你，係有名編劇，你仲想點樣？』有次我演盲嘅老和尚，劇本入面有啲唔知咩經文，我唔識呢啲，又唔識分句，於是上網搵，睇吓點發音，突然間PA走埋嚟，佢話︰『唔好意思，嗰啲經文唔啱，你係唸心經。』咁我點呀？修哥（胡楓）話唔緊要，搵人寫大字報，我話我盲㗎喎，合埋眼，我點望呀？」

楊紹鴻指劉江向來愛發牢騷，所言的都是對事不對人，劉江說：「冇辦法，因為我哋喺佳視時，我哋咁博命想打冧無綫，結果佳視冧咗，我過去麗的時，又想打冧無綫，但麗的又冇咗。」楊紹鴻笑說：「你喺無綫咁耐，無綫冇冧喎，係你冧先喎！」劉江笑：「做咁鬼耐，佢真係好硬淨，最後我自己走！」他表示自己仍然有戲癮，是暫時未遇到心動的角色。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】