以神之名：信仰的背叛丨葉萱銅鑼灣被招入攝理教慘遭性侵 方力申剛睇紀錄片：關係再鞏固咗

Netflix紀錄片《以神之名：信仰的背叛》揭發了韓國攝理教教主鄭明析借宗教為名性侵女信徒的惡行，其中唯一一名以真面目示人的受害者葉萱（Maple Yip）被爆係小方新歡，令影片更為廣泛討論，葉萱成為網民焦點。

同場加映： 中年好聲音丨支嚳儀無怨被醫學世家堵夢想路 涂家堯重視比賽友情成意外收穫

{{hket:ul-video id="7737"}}{{/hket:ul-video}}

小方今日出席《點滴是生命》慈善跑活動，身為「榮譽大使」的小方被會長邀請攜眷出席：「佢話你都公開咗，不如帶埋女朋友出嚟？我話唔好喇，近日咁多事，就費事啦，佢又係圈外人。」小方公開戀情後發現被狗仔隊追蹤，他笑言：「我好耐無遇過，都公開咗啦，唔使影嘅，盞迫我日日放閃，話咗低調㗎嘛，無理由自己開live。」

{{hket:inline-image name="2.JPG"}}{{/hket:inline-image}}

小方強調不會公開帶女朋友同現身，若有人邀請以情侶檔出席活動？他即改口：「睇吓幾錢啦，錢可以解決好多問題，係好吸引，大家努力工作都係為咗錢。（你係「億萬筍盤」都要為錢？）呢樣嘢真係唔好信，我從來無講過。」他表示想跟女友去旅行，但要趕及女友赴韓國為性侵案出庭前起程。

小方又透露公開戀情前一晚看了女朋友的紀錄片訪問，對他衝擊甚大，「睇完又同佢再傾偈，發覺個感覺再鞏固咗，所以做訪問時我都無乜嘢講唔到，所有嘢係事實，我又咁了解佢同件事，無嘢需要去避忌。」小方亦有指導女友公開戀情後的壓力，「佢有睇我訪問，我叫佢唔好睇網民回應，我成日睇，睇完永遠都唔好受，唔睇就唔會唔開心。」

攝理教原名為基督教福音宣教會（又稱JMS，鄭明析名字縮寫），現年78歲的創辦人兼教主鄭明析1945年生於韓國，1978年開始到首爾傳教，教會不走保守路線，舉辦歌舞活動、巡遊等吸引年輕人，也在多間大學招收信徒。鄭明析並在家鄉忠清南道「月明洞」設大本營，與多名「愛人」居住在此。

澳洲廣播公司（ABC）2017年報道，攝理教聲稱在韓國有逾10萬名信徒，300個分支教會，全球多地也有分部，包括美加、英國、澳洲、南非、德國、日本、台灣等，宣稱在海外有逾1萬信徒。鄭明析2007年在中國大陸落網，2008年遣返韓國審訊，2009年2月因性侵罪判監10年，至2018年釋放，但之後傳出他再度傳教與涉嫌犯案的消息。

2022年初，兩名女子在韓國召開記者會指控鄭明析，其中一人便是方力申女友葉萱（Maple Yip），另一人是來自澳洲的女子。她們均已報警，韓國警方在2022年10月再次拘捕鄭明析。Maple Yip她12年前首次在銅鑼灣遇到攝理教相關人士，當時只有17歲的她與朋友及胞妹正在逛街，突然有人上前要求進行問卷調查，因攝理教將教義準備得非常完善，所以不自覺地陷入其中。Maple Yip講到攝理教招攬教徒的方法主要從海外入手，當時在教會說服下，只留在香港生活三年的她便決定回到韓國。

採訪：倪小珊 

撰文：娛樂組