中年好聲音丨韋綺姍為家人毅然放棄歌唱事業 中年再出發臂助追夢者更添意義

韋綺姍（Rita）獲邀在《中年好聲音》為參賽者擔任指導老師，為多位追夢者作出無私奉獻，分享她的舞台上的表演經驗。出道40年的Rita表示跟參賽者「同是天涯淪落人」，因為照顧家庭毅然放棄熱愛的歌唱事業，直至中年再次出發；對她而言現實與夢想未必一定背道而馳，美好的事情總在它最適合的時間出現。

{{hket:ul-video id="7754"}}{{/hket:ul-video}}

Rita自小喜歡唱歌，堂姊杜麗莎也是唱得之人，Rita早於14歲參加《無綫電視業餘歌唱比賽》，到1982年的《第一屆新秀歌唱大賽》得到亞軍。她小時候喜歡去爸爸工作的地方唱歌，說︰「當時有機會去Disco唱歌，所以新秀比賽就揀快歌參賽，我夠大膽，唔怕面對觀眾，好開心喺舞台上認識到一大班朋友，特別係認識梅艷芳之後，佢一開口就好勁，加埋台風，真係好正！我哋一屆新秀每位都好唱得，我有自信可以得到三甲。」她在家人反對聲之下簽約，可惜一直遭投閒置散，所以兩年後斷約離開，轉往台灣發展。

{{hket:inline-image name="DSC08341.jpg"}}{{/hket:inline-image}}

{{hket:inline-image name="DSC04624.jpg"}}{{/hket:inline-image}}

中年好聲音│韋綺姍曾批評李思林唱腔好娘 收視登上榜首打敗《愛回家》【下一頁】

對Rita而言，有機會發展歌唱事業，求之不得，心裡面同時因為思鄉病而影響心情，「起初唔太習慣，連廣東話都未講得好，中文都睇唔明，就飛到台灣，仲要講國語。好彩係我第一張唱片銷情唔錯，有機會出第二張，我好喜歡台灣，住耐咗就覺得寂寞嘞，掛住屋企，完成第一張唱片我已經想走，但宣傳工作長達數月或一年，唔畀我返屋企。完成第二張唱片之後，我唔想續約，決定返香港，我實在太掛住香港父母、姐弟。」

回港後，Rita空等苦無工作，當時著名音樂監製王利名邀請她參與和音的工作，她說：「我一口答應！只要同音樂有關 ，我都樂意去嘗試，和音真係唔容易。後來我為演唱會擔任和音，幫過林子祥、彭羚等等和唱，呢段時間都幾艱難...冇嘢做就要馬死落死行啦，唔緊要，最重要賺錢養家。」因為她不怕由舞台C位走到後排，不介意放下身段，充當後勤，令她意外獲得「爆紅」的機會。當時王利名希望蔣志光的唱片中加入女聲，Rita參與了歌曲《要走始終都要走》，後來合唱超級經典金曲《相逢何必曾相識》，「這首歌流行完再流行，雖然中間被黃百鳴《家有囍事》轉成閩南話版本，仍然係我哋嘅歌。呢首歌為我帶嚟幸運，事隔好多年之後，王祖藍打電話畀我，叫我演出劇集《老表，你好Hea！》，冇諗過劇入面再唱《相逢何必曾相識》，呢首歌又再流行起來！」

{{hket:inline-image name="DSC04595.jpg"}}{{/hket:inline-image}}

{{hket:inline-image name="DSC04616.jpg"}}{{/hket:inline-image}}

韋綺姍抗疫練出好「舞」功【下一頁】

Rita表示當年推出幾張唱片之後，有感年紀大是時候結婚生子，於是毅然為家庭放棄事業。由小孩子出世計，差不多廿年時間完全沒有接觸娛樂圈，「好多人問我，會唔會覺得可惜？的確...我有！而我要做個盡責嘅媽媽，既然決定生小朋友，一定要處理好佢哋嘅生活，到佢哋長大先肯放手。」

縱然錯過了不少的黃金機會，柳暗花明又一村，兩名女兒長大後，Rita重拾音樂夢。有人問她，會不會教唱歌？正好《中年好聲音》邀請她擔任導師，她就鼓起勇氣試試看，「既然參加者有夢要追，我會盡力幫助，睇住佢哋每位都有佳績，我好開心，會繼續教落去。」

{{hket:inline-image name="DSC04614.jpg"}}{{/hket:inline-image}}

{{hket:inline-image name="DSC04591.jpg"}}{{/hket:inline-image}}

{{hket:inline-image name="DSC04566.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：陳小芝

撰文：楊安莉

攝影：何家賢、王華婷

場地：Bakebe