張致恒三餐不繼囝囝瀕臨輟學邊緣 雯雯爆冇錢搭車返學：又一次請假

現年38歲的張致恒（Steven）2019年與粉絲區燕雯（雯雯）奉子成婚，先後誕下三個囝囝。婚後張致恒負面新聞不斷，夫妻關係時好時壞，年多前，雯雯暗示離婚，但又再次懷孕而重修舊好。

好景不常，近半年雯雯多次明示同張致恒分開，又經常公開插老公又廢又懶，要同佢劃清界線。今日（3月1日）雯雯再於IG限時動態爆發，指經濟狀況令到囝囝冇學返。

同場加映：新四十二章丨「揸流灘」主角捱過低潮惺惺相惜 吳子冲捉緊機遇追夢 史穎喬感恩前輩無私傳承

{{hket:ul-video id="7707"}}{{/hket:ul-video}}

雯雯用全黑背景留言：「底線。容忍。如果因為我身體不適，而送唔到小朋友返學，令到小朋友要請假，我會檢討。但如果因為冇錢畀小朋友搭車返學，而導致小朋友一次又一次要請假，我覺得呢種父母要好好想一想，你到底怎樣向小朋友解釋，為甚麼不能出門返學。」睇嚟二人已經去到山窮水盡嘅地步。

{{hket:inline-image name="200288521_489240559071223_5562960229951839376_n.jpg"}}{{/hket:inline-image}}

之後佢再出post，透露經濟狀況欠佳，三餐都成問題，仲決意同張致恒分開，「努力為三子與三狗尋找出路，2023（年）不能再跟一些沒進步的人在一起，這樣只會累搭（鬥）累，係時候要係（喺）唔同嘅方向搵出路，救自己同個屋企，但需要嘅時間都唔短......希望你們能夠等我。承諾，能夠正常返學。承諾，有三餐。」

全職媽媽嘅雯雯開始打算自力更生養全家，早前於社交平台透露開設網店賣寵物零食，標榜純手工製作及純天然而且無添加，日前正式營業。網店見佢所售嘅大部分都係風乾肉類，價錢相宜。雯雯於網店表示：「因要照顧小朋友，只限星期六，錦上路站交收。」似乎網店係由佢一腳踢搞掂晒。

撰文：黃蘊姿

圖片來源：Instagram