劉美君臥床面青唇白插氧氣鼻喉 幽默報平安：我醫生太靚仔

58歲嘅劉美君已經做咗人嫲嫲，依然非常貪玩有活力，仲keep住拍拖戀愛，身心都好young。佢早前同舊愛以及賈思樂四圍玩兼滑雪，估唔到樂極生悲，嚴重受傷入院。

同場加映：新四十二章丨「揸流灘」主角捱過低潮惺惺相惜 吳子冲捉緊機遇追夢 史穎喬感恩前輩無私傳承

{{hket:ul-video id="7707"}}{{/hket:ul-video}}

劉美君上傳身在醫院相片，佢除低咗半件病人衫，面青口唇白，仲插上氧氣鼻喉，睇落非常虛弱。佢未有公開身在何地，只透露滑雪時遇上暴風雪導致受傷，留言：「我會活下去，只是一場滑雪意外。手術很成功，我植入了一個『髓内固定棒』和釘子來永遠穩定我的脛骨，向『無敵女金剛』問好！ 我發誓我再也不會在暴風雪中爬上斜坡了……」

{{hket:inline-image name="f5e8dd2a1cc61c57d1bd912f224c68ffsaasftp20200221.jpg"}}{{/hket:inline-image}}

現時情況穩定，佢幽默報平安，說：「別擔心，我受到了很好的照顧，和經歷了些《醫人當自強》戲碼，因為我的醫生太靚仔！」貫徹佢嘅堅強形象，受咁重傷都仲識講笑，非常厲害！唔少圈中人向劉美君送上祝福，包括MIRROR成員Edan及Jeremy、王菀之、胡杏兒、謝安琪等。其實去年12月劉美君有「鬼剃頭」脫髮問題，加上而家再受重傷，真係要好好休養喇！

劉美君2017年同拍拖8年嘅德日混血男友Steve分手，當年佢透露相處期間有拗撬，人生價值觀不同，決定分手。佢單身5年，最近疑與Steve舊情復熾，孖住好友周圍玩。已移居美國嘅劉美君，早陣子相約好友賈思樂到太浩湖（Lake Tahoe）遊玩，賈思樂在IG上載三人合照，劉美君與Steve肩並肩十分親暱。

其實劉美君同Steve分手後都冇上載過合照，今次亦只上載與賈思樂合照，未見Steve蹤影，十分低調；而相信今次受傷，兩位型男都會好好照顧佢！

撰文：娛樂組