陳湛文肥腸拍廣告戲仿《國產凌凌漆》造型 盼與周星馳合作：喺現場偷吓師都好正

藝人陳湛文近日工作不斷，除了完成《飯氣攻心》舞台劇的演出，日前夥拍肥腸（徐浩昌）為港鐵拍攝有關環保的廣告，為求吸引觀眾，二人模仿經典電影《國產凌凌漆》造型及橋段。陳湛文就話重演周星馳說對白的語氣，希望會令對方留下印象，說︰「周生呢排社交網站成日覆訊息，所以我會將今日嘅造型、擺埋Pose傳訊息畀佢，問吓周生仲記唔記得係邊套戲！」仲話如果可以同周生合作就做咩都得，就算喺現場偷吓師已經好正。

同場加映：獎門人丨程浩駿當獎老成功減戾氣入屋 開展副業親自傾生意頻遇趣事

{{hket:ul-video id="7699"}}{{/hket:ul-video}}

陳湛文發現與肥腸同場竟然是最大的挑戰，「其實拍呢個廣告都唔洗點『溫書』，因為對呢套戲實在太熟喇！呢次最大考驗就係對手，對住肥腸扮嘅『靚靚』...真係考驗到我嘅專業...要忍笑。」

{{hket:inline-image name="65.jpg"}}{{/hket:inline-image}}

飾演「袁詠儀」嘅肥腸就話借廣告向前輩致敬，仲自爆成日坐港鐵，不時向「眼望望」嘅乘客「投懷送抱」，反主動邀請對方合照，稱：「我都好鍾意坐港鐵，當年日日都會搭鐵周圍去㗎！而家就會留意吓有冇人認得自己，有時同人四目交投，我就知佢認得我喇！有啲小朋友怕怕醜醜咁，我就會主動咁問佢哋係咪想影相！不過今朝開工太早喇，鐵路未開站搞到我遲到，所以我希望日日24小時都有得坐港鐵，咁就算拍通宵戲都唔怕啦！」

肥腸話受疫情困擾，慢慢忽略環保意識，賣口乖話拍廣告提醒自己愛惜地球，「疫情用多咗好多紙巾、防疫用品，所以接呢個廣告提醒自己，起碼都要自備水樽斟水飲，減少浪費，加上揀啲低碳排放嘅公共交通工具，愛錫吓我地嘅地球吖嘛！廣告最過癮係可以『重演』前輩嘅角色，陸續有兩套電影嘅場面重現大家眼前，之後我同陳湛文玩得仲癲仲放！」

{{hket:inline-image name="56.jpg"}}{{/hket:inline-image}}

殺手廢J丨陳湛文袁澧林感情戲蜻蜓點水 欣賞麥可暉反烏托邦劇本：好有共鳴【下一頁】

撰文：娛樂組