吃貨橫掃曼谷丨高海寧眼濕濕提停工一年半 彭慧中勤力有人氣事業停滯：爭咗啲嘢

由「女神」高海寧（高Ling）、彭慧中（Phoebe）、陳星妤跟林澄光（Michael）主持的《吃貨橫掃曼谷》反應正面，唔經唔覺於3月11日周日晚已經係最後一集，唔知會唔會用呢個組合添食呢？

同場加映： 獎門人丨程浩駿當獎老成功減戾氣入屋 開展副業親自傾生意頻遇趣事

{{hket:ul-video id="7699"}}{{/hket:ul-video}}

三位女主持今晚（27日）一集會跟Michael到曼谷Safari World，與大班野生動物零距離接觸。一行人先去餵飼為食長頸鹿，Phoebe未試過這麼近距離觀看長頸鹿，高Ling仲為幫長頸鹿剝香蕉，說：「長頸鹿今日好斯文...我喺南非餵過一次，可以用猴擒嚟形容，佢用條脷捲住你隻手，直至食晒你手上嘅嘢，先肯放你走。」星妤害怕，也不及Michael驚青，後者自嘲「龐大身形，弱小心靈」，結果企到離行離迾遞香蕉，長頸鹿幾乎食唔到，高Ling直斥對方「冇鬼用」。

{{hket:inline-image name="17.jpg"}}{{/hket:inline-image}}

高Ling、星妤及Phoebe分別跟極具演藝細胞的猩猩上演求愛大作戰，當中以Phoebe表現最大膽，與猩猩伸脷影合照，她事後說：「嗰隻猩猩明星真係超級勁，一嗌roll機即刻入戲，起碼錫咗我20啖，一cut機即刻擰歪面唔理你！」高Ling與貓頭鷹互動時，自嘲似貓頭鷹，到底何出此言？

之後高Ling邀請Phoebe到由1940年代建築物改建而成的精品酒店共晉午飯，前者開門見山：「我見到網上有人話覺得公司爭你一個交代，你覺唔覺？」認為Phoebe事業上值得擁有更多，大讚她勤力，「例如今次你知道我哋去邊，會事先上網做晒功課，等去到現場多啲嘢講，我好欣賞你呢樣嘢。」Phoebe聞言亦快人快語：「好多人都係咁講，我都覺。」才語畢，Phoebe補充「爭咗啲嘢」，包括機會，「都成12年喇（入行），我真心講句，自己事業停滯不前。我唔想人哋唔記得我，好容易咋嘛？」高Ling聽畢大為感觸，強忍淚水說：「我好明白...我都有年半冇做過嘢，啲人喺街度都會話『好耐冇睇過你嘅電視劇』...」

另外星妤又跟Phoebe去曼谷酒店歎罕有的土耳其浴，先躺在暖笠笠的大理石上，擦背按摩，身體出汗兼軟化角質層；之後游走由喜瑪拉雅山岩磚砌成的桑拿房，及零度以下的冰房之間，實行冰火交融促進血液循環，令皮膚更加白滑。

撰文：娛樂組

圖片來源：大會提供