道歉都冇用丨梁文禮遭商台停職3個月 私下批評多位歌手被指有「傷害性」

商台DJ梁文禮早前在社交平台的私人帳戶批評梁詠琪（Gigi）於演唱會上的表現差，但在公開帳戶的評語卻完全相反，事件曝光後被斥是雙面人。之後再爆出佢曾經私下評論多位藝人，事件令商台決定暫停梁文禮主持人職務。

同場加映：新四十二章丨 「揸流灘」主角捱過低潮惺惺相惜 吳子冲捉緊機遇追夢 史穎喬感恩前輩無私傳承

{{hket:ul-video id="7707"}}{{/hket:ul-video}}

商台發出聲明：「有鑑於本台節目主持人梁文禮近日於社交平台對個別音樂人發出帶有傷害性之評論，經本台負責人與梁文禮共同檢討後，雙方同意於2月27日起暫停其主持人職務三個月，待冷靜反思過後再重新出發。」

{{hket:inline-image name="3.jpeg"}}{{/hket:inline-image}}

梁文禮睇完梁詠琪紅館演唱會後於社交平台限時動態大讚「Gigi好靚」，但就被網民踢爆佢喺私人facebook狠批Gigi演唱會由編排、編曲、舞蹈以至服裝都一無是處，仲大鬧Gigi唱得差。本來放緊假嘅梁文禮都立即返商台開咪，公開向Gigi道歉，強調係出於肉緊、「恨鐵不成鋼」先至咁評論。

梁文禮更被翻出曾於私下社交平台批評環球唱片搵一批新晉歌手如Anson Lo（盧瀚霆）、姜濤、曾比特、炎明熹等翻唱張國榮作品嘅企劃，係「集體強姦張國榮作品」。之前佢又狠批Mirror嘅周邊商品同公仔「點解可以咁醜」，甚至爆粗話「千x祈唔好聽Eason嗰個翻唱版本」嘅莫文蔚作品《慢慢喜歡你》，暗啞底做「樂壇判官」。

唔少網民喺商台嘅社交平台留言表示同情梁文禮：「講自己感受又唔得？」、「其實當事人都已經唔介意，而梁文禮亦已道歉，仲需要停職三個月嗎？」、「咁以後是不是只能讚不能彈，對決定感到莫名其妙。」

撰文：黃蘊姿