蔡天鳳碎屍案｜死者現任丈夫承諾照顧所有子女 家翁讚如「寶貝女」

譚仔米線創辦人新抱蔡天鳳慘遭前夫一家謀殺肢解烹屍，譚家透過死者好友豹太回應事件，其中現任丈夫Chris表示，「好開心同感激佢係我嘅生命出現」，形容死者生前「永遠都想幫人，好扶持我同好愛我」，亦都帶來四個得意、聽話的小朋友，認為做到Abby家人朋友是福氣，承諾會照顧她的所有子女。

警方暫控死者前家翁及大伯謀殺 , 前家姑暫被控妨礙司法公正 , 詳情即睇[下一頁]

豹太指，死者母親日前已經回港，照顧女兒與前夫所生的兩名子女，但由於兩名子女的日用品仍遺留於前夫一家的加多利山寓所內，會聯絡警方探討取回日用品的方法。

現任家翁、譚仔「五哥」譚澤均則形容，死者是「冇血緣嘅寶貝女」，讚她對長輩尊重、客氣，一家一同出遊，非常「融洽」，「就連司機都讚佢係一個好好好盡責嘅媽咪 」。現任家姑亦透露，每逢母親節及其生日，對方都一定與她食飯及送贈禮物，形容「結咗婚返嚟，女又係佢，新抱又係佢」，稱Abby從來沒有架子，對家中工人及司機友善。

撰文：李卓謙

責任編輯 : 陳浩義