吳毅將爆肌與老婆被野生捕獲 一個細節足見唐麗球下苦功保養

吳毅將近年甚少出現喺香港演藝圈，轉往內地發展嘅佢索性長居當地，不時拍劇、登台，吸金力強。最近回港陪太太唐麗球，高調放閃，二人結婚19年仍然非常恩愛，日前仲被網民野生捕獲，大讚二人fit又襯呀！

同場加映： 獎門人丨程浩駿當獎老成功減戾氣入屋 開展副業親自傾生意頻遇趣事

{{hket:ul-video id="7699"}}{{/hket:ul-video}}

其實吳毅將都不時上載抖音短片，都可以睇到佢近況，而早前有一條短片佢貌似精神不錯，但一開口宣傳新戲時就聽到佢聲音微弱、沙啞，有別於以往中氣十足！佢2016年2月28日亦因胸口和背部痛而求醫，之後發現由心臟到腎臟的大動脈血管撕裂，需要入公立醫院的加護病房，幸好最後並冇大礙。因為佢有「前科」，唔少網民都擔心佢健康狀況！

{{hket:inline-image name="7212ab6dgy1h2ytey9wcbj20u0140af7.jpg"}}{{/hket:inline-image}}

早陣子網民po野生捕獲照片就說明一切，相中見到吳毅將同太太唐麗球貼地食茶記，佢一如以往，手瓜起晒𦟌，已經61歲依然不時操練，實在好難得！

而網民嘅另一個重點就係坐佢對面嘅太太唐麗球，同後生時一樣不時笑面迎人，非常討人喜歡，網民又留言：「一睇佢雙腿就知佢有keep！」細看之下相中着短褲嘅唐麗球露出一雙纖幼嘅腿，就咁睇真係會以為係少女嘅腳，呢對自律夫妻真係令人好羨慕！

撰文：娛樂組

圖片來源：Facebook、微博