男子組合MIRROR去年11月齊人現身《903 AllStar籃球賽》，惟姜濤在比賽期間，因不慎扭傷右膝蓋而停工，期間需接受物理治療；直至1月1日，姜濤負傷出席叱咤頒獎禮，可惜當時他被指不理身形，任由體重上升，並惡評他演繹歌曲時表現失準，姜濤之後選擇「神隱」。隨後的MIRROR活動，他都因身體不適而缺席。
同場加映：流水落花︳鄭秀文人生感圓滿唔恨被嗌媽媽 陸駿光體會做天后老公有壓力
相隔3個月，MIRROR 12子終於齊人合體，今日在尖沙嘴出席《「應援您健康」企劃啟動禮》保險活動。見姜濤告別包包面，身形明顯比之前清減，但又未算瘦身成功。在台上，姜濤起初表現有點拘謹，但後來Jer（柳應廷）撩他玩，姜濤漸露笑容。
問到腳傷情況，姜濤表示：「唔使擔心，做緊物理治療，好過之前好多，大家睇我噚日打波片（網上流傳片段）就知，我諗要做多幾個月，保險啲。」醫生示意可以打波？姜濤一臉尷尬笑說：「我未聽過佢講，但佢話可以做運動嘅，對唔住，對唔住，對唔住醫生。」
MIRROR未能合體丨AK交代姜濤冷親腳傷有待痊癒 Stanley爆佢身形：瘦咗啲【下一頁】
12子合體出活動，姜濤坦言感到很開心。對於「姜糖」（姜濤fans暱稱）擔心姜濤受惡評而心情受影響，姜濤說：「我唔覺得係惡意批評，全部都係好好嘅批評，社交媒體，我而家就真係冇玩喇，我連手機都好少玩，大家嘅message都好少睇到，純粹想令自己專心少少，做自己做嘅嘢，唔玩手機已經令自己好放鬆。」除了打波外，姜濤還去了邱士縉（Stanley）開設的健身室做運動，問他「瘦身」成績如何？他說：「還好，繼續（做）。（瘦咗幾多？）冇計，（有冇雙位數字？）冇計，遲啲話畀大家知，可能我post第一張相係自己嘅體重。（有冇set磅數目標？）一直都冇呢個習慣。」姜濤又透露將會出新歌，問到會趁生日（4月30日）推出？他笑說：「咦，好主意喎！但諗吓先，我做緊㗎喇，好快！」
姜濤入行4年吸金力驚人做業主 1,800萬購入兩房一套單位私隱度高【下一頁】
對於姜濤早前做業主，有否考慮放租？他說：「本身諗住自住，但而家搞成咁，可能畀屋企人住。」有指該區的樓價亦有上升，姜濤笑指要賣樓，Edan（呂爵安）笑說：「你可唔可以買我哋住嗰啲區。」
提及有傳MIRROR 12子會合演電影，Lokman（楊樂文）表示有聽聞過，Anson Kong（江𤒹生）說：「始終12個人嘅戲、統籌製作上都複雜，係有聽過，等公司confirm先。」
有報道指梁文禮曾在FB批評姜濤、盧瀚霆（Anson Lo）翻唱張國榮歌曲是集體強姦張國榮作品，Anson Lo說：「即使好harsh都make sense，每個聽眾都有自己taste and preference，覺得好聽同難聽係冇對與錯。」姜濤則說：「我冇玩手機，所以真係唔知呢件事，我呢排都好多批評，所以我心態係任何批評都係一個珍貴嘅批評。」Anson Kong幫口說：「大家都好錫我哋，想我哋進步多啲，個comment用字點都好，佢嘅本意都係想我哋進步多啲，其實我哋同阿禮都認識，佢一直都畀唔同意見畀我哋，如果我哋做得唔好，佢都直接同我哋講，所以我覺得大家唔好放大件事。講真，一個private account，香港有言論自由，每個人都可以講佢自己鍾意講嘅意見，發表自己想發表嘅嘢，所以就唔評論咁多。」
ANSON LO翻唱張國榮歌曲《偷情》 親填RAP詞 樂迷評語好壞參半【下一頁】
此外，有傳Anson Lo活動後，有感身體不適見暈，需要經理人花姐扶住離場。事後Anson Lo在IG限時動態留言表示：「我沒事，只是暈了，未能完成SHE.COM訪問，對此十分抱歉，去醫院檢查，晚一點再和大家update，別擔心我。」
採訪、撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】