馮盈盈傳被無綫雪藏後性情大變 攻讀港大碩士疑為離巢鋪路

現年28歲嘅馮盈盈（FYY）2016年成為港姐冠軍，卸任後與無綫簽約火速上位。除咗因為無綫畀咗大量出鏡機會佢之外，仲因為佢做綜藝節目時不時「敢言」奔放，被封「性女」兼吸盡眼球，風頭一時無兩。不過，近年屢傳馮盈盈被雪，削減工作量，而近日佢自爆重拾「書包」，攻讀港大碩士，令人聯想到為離巢鋪路。

同場加映：流水落花︳鄭秀文人生感圓滿唔恨被嗌媽媽 陸駿光體會做天后老公有壓力

{{hket:ul-video id="7639"}}{{/hket:ul-video}}

馮盈盈日前喺IG限時動態自爆攻讀港大碩士課程，寫著「#HKU #MASTER #STUDY」，惹人揣測佢仿效朱千雪、麥明詩等「師姐」憑智慧轉換跑道。雖然馮盈盈日前再次喺電視上出現，為《魔法伽利略》擔任主持，但就見唔到佢再好似人氣高峰時「劇接劇」，真係花無百日紅！

{{hket:inline-image name="c024d78c03bdacb8fed34b3537f5e7a8.jpg"}}{{/hket:inline-image}}

2022年7月，馮盈盈透露自己已通過CFA考試Level 1的初階考試（金融投資從業者專業資格認證），當時已經有猜測馮盈盈離巢轉行做金融分析師。佢入行7年，於處女劇《果欄中的江湖大嫂》表現突出，於2018年迅速獲頒「飛躍進步女藝員」一獎，風頭一時無兩，上位速度比麥明詩更快。

本應前途無可限量的馮盈盈近年曝光率大跌，幕前工作銳減，自《智能愛人》後一度絕跡劇組逾一年半，直至早前先重返劇組，擔正新劇《妳不是她》女一，其餘則係零星嘅主持工作，連TVB大騷都好少見到佢身影。傳被雪之後馮盈盈更加係「性情大變」，除咗唔再「敢言」之外，兼冇以前咁「巴渣」，改行氣質斯文路線，一洗MK味。習慣濃妝示人嘅佢日前幾乎素顏去行山，唔少網民都大讚清純版嘅佢更加靚，非常贊成佢改變形象。

撰文︰娛樂組