新四十二章丨鄺潔楹爆炸頭造型夠突出 自爆抗拒：我會仲細粒咗

鄺潔楹昨日接受由鄭裕玲（Do姐）訪問，於商台節目《口水多過浪花》上暢所欲言。近年專注拍劇的她，被批評在演技上、講對白時都不夠自然，而其身高（155cm）亦是熱話，亦因如此，她坦言起初很抗拒在《新四十二章》的爆炸頭造型。

同場加映：新四十二章丨戴耀明獲提名對年邁母親有所交代 入行30年終被看見：獎項是人生紀念

{{hket:ul-video id="7642"}}{{/hket:ul-video}}

{{hket:inline-image name="11.jpg"}}{{/hket:inline-image}}

Do姐提到鄺潔楹在《新四十二章》飾演「蘇子瑜」，其爆炸頭造型十分突出，鄺潔楹反而說：「記得喺化妝間見到爆炸頭假髮，我仲以為邊個演員得罪咗人...我一開始有少少抗拒，更加唔會諗到假髮擺喺我頭上面，因為（視覺上、比例上）我會仲細粒咗！我睇埋全身相...心想Oh No, 點算呀？我比例更加奇異...我身高成日畀咁多人挑剔，真係大件事！」Do姐安慰她：「其實呢，成日批評你身高又唔係好啱，嗱我就咁睇鄺潔楹，唔好拍埋其他人，佢係好均勻，拍埋其他演員嗰度，你就好細粒。」

新四十二章｜易宇航網上尋親墮「拍四仔」騙局 同「兄妹」林景程龔嘉欣火花十足【下一頁】

鄺潔楹指「蘇子瑜」是一個我行我素、不理世事的角色，為了配突出型、爆，她難以推掉這個爆炸頭造型，Do姐笑說：「你咪好彩囉！唔係要你走去電一個爆炸頭，到時你就喊喇！」鄺潔楹：「一開始真係有諗過（電爆炸頭），但我髮量冇咁多，二嚟要預我中間要補電，但拍攝期好緊湊，冇時間畀我補電，變咗每日拍攝係用真髮駁住呢個假髮，但駁完之後，我發現髮線有向後咗少少，移後咗0.5cm...而家仲補救緊。」幸好，這個角色獲不少觀眾、網民喜歡。

新四十二章︳史穎喬被監製相中演龔嘉欣同學 戲內戲外都係中國研究系碩士生【下一頁】

{{hket:inline-image name="19.jpeg"}}{{/hket:inline-image}}

記得拍攝《七公主》時，監製陳維冠找她飾演「方楚瑜」一角，鄺潔楹說：「監製知我係新人，都唔會畀個同我差太遠嘅角色畀我做，呢個角色偏向開心、樂觀，我最初以為自己應付到，點知出到嚟，有人話唔係好自然，我都覺得有啲位係好造作，有啲位以為自己交足戲，但係我睇番，『嘩，咁猙獰嘅』！」因為「唔想畀人睇死」，鄺潔楹在拍完《七公主》後，決定報讀演技班。

{{hket:inline-image name="20.jpeg"}}{{/hket:inline-image}}

{{hket:inline-image name="21.jpeg"}}{{/hket:inline-image}}

鄺潔楹指個子矮小是網民話題之一，「我睇咗好多評論，覺得係自己做得唔夠好，表現唔好，大家先咁在意我嘅身高。」Do姐問她是否覺得身高問題而阻礙發展？鄺潔楹：「坦白講...當然有啦！有啲角色我一定做唔到，例如空姐，就算寫一個空姐角色畀我，都好勉強。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】