唐碧霞運程書被指抄襲麥玲玲 曾選港姐大熱退選進修投身玄學界

近日新晉玄學家唐碧霞嘅兔年運程書被指同麥玲玲嘅運程書有極多相似之處，惹來抄襲之嫌。而翻睇二人著作嘅排版以至用字都有唔少相同之處。原來玲玲認識呢位後輩，仲曾經鼓勵對方，輕鬆回應抄襲風波。

同場加映：新四十二章丨戴耀明獲提名對年邁母親有所交代 入行30年終被看見：獎項是人生紀念

{{hket:ul-video id="7642"}}{{/hket:ul-video}}

唐碧霞的運程書由封面設計、內容標題以至排版跟麥師傅著作都類同，內文用字亦有不少共通點，例如麥玲玲著作中寫「太歲當頭坐，無喜必有禍」、「劍鋒代表被金屬所傷」，唐碧霞書中就寫為「太歲當頭坐，無喜恐有禍」、「劍鋒是代表容易因金屬所傷」等。

{{hket:inline-image name="293474203_435865081736314_8730805944851456158_n.jpg"}}{{/hket:inline-image}}

麥玲玲對此不以為然，更讚對方封面相比佢靚得多，玲玲表示對方出道前曾搵佢算命，佢亦有鼓勵對方：「曾經有節目搵我，我無時間做，我都有推薦佢，都係精靈乖巧嘅後輩嚟，佢可能覺得好至跟我啫，或者都係時候改吓版。」

唐碧霞（Yoki）2016年曾參加香港小姐競選成為大熱後退選，曾自爆被人以廿萬港元邀請出席內地富豪飯局。唐碧霞當時表示同屋企人商量過，考慮會讀埋碩士再參選港姐。

唐碧霞後來投身風水玄學行業，佢表示中學期間對玄學已有深厚的興趣，並開始學習及鑽研面相、八字，當時已立志要做堪輿學家。碧霞起初是以業餘形式替朋友算命，後來累積看了數百個命盤，再徵詢兩位前輩包括曾景成師傅及吳佩孚師傅意見後，就設立自己嘅辦公室。

唐碧霞曾表示出版運程書係佢入行以來遇到最困難嘅事，由尋找出版社、落實項目及完成寫作只有3個月時間，當中的封面設計及拍攝、內容、排版、校對、繪圖等，佢都一一參與。因為從未出版過運程書，所以很大壓力，晚晚只睡3小時，到終於完成看到自己的成品誕生，當時我熱淚盈眶，因有很大的成功感。」

唐碧霞曾經同麥玲玲師傅一齊工作，唐碧霞多次表示玲玲師傅係佢一直以來都好欣賞嘅女性堪輿學家，認為佢為女性喺玄學界上作出重大貢獻，相信玲玲師傅嘅經歷遠比佢困難，而且玲玲師傅好願意提攜後輩，令佢獲益良多。

圖片來源：Instagram