黃秋生一句「得罪」莊韻澄4位姊妹 點讚多過原甫：係有份量先講得

現年41歲嘅莊韻澄（Xenia）形象性感，近年用心鑽研演技，參與《黃秋生大師班》學做戲，亦因此同黃秋生結緣。近日Xenia殺入影壇於《正義迴廊》中演表姐一角，表現亦備受讚賞。唔講可能唔知，原來Xenia係選美出身，日前佢同一班同期選美嘅姊妹聚會，引嚟秋生啜核回應，亦成為成張相嘅爆點！

同場加映：MIRROR未能合體丨AK交代姜濤冷親腳傷有待痊癒 Stanley爆佢身形：瘦咗啲

{{hket:ul-video id="7608"}}{{/hket:ul-video}}

Xenia於10年前參選2013-15年度《香港珠寶小姐》，奪季軍及最親善小姐後加入娛樂圈，日前佢同幾位昔日嘅競爭對手茶聚Re-U，並在社交網站post出合照。除咗Xenia，當中「尾二一屆口罩小姐」其中一位參賽者「酸奶」仲喺娛圈打滾，其餘嘅朋友，真係恕小編唔認得喇！Xenia帖文引嚟崔建邦留言，原來當年係由崔建邦擔任呢個比賽嘅司儀，佢同Xenia都不禁感慨時間過得好快呀！

{{hket:inline-image name="315488313_698585074963762_7786632749890902498_n.jpg"}}{{/hket:inline-image}}

Xenia照片中5位好姊妹個個都笑得好燦爛，無論是妝容、服裝還是髮型都貼近而家潮流，所以非常相似。唔知係咪又因為相片有美顏濾鏡嘅緣故，令黃秋生都頓時變患上「面盲症」，留言表示：「真係物以類聚，個個差唔多樣！」其後他再於帖文下方留言多次：「全部差唔多樣！」

唔少網民都話佢呢番言論好大膽，似有暗諷一班女生「微調」之嫌，like數仲多過原post，網民留言：「這句說話係有份量嘅人先可以講。」網民都表示認同：「你咁講搞到我懷疑自己有面盲症」、「睇真啲，都唔係啫」、「姐妹嚟㗎嘛」。不過都有網民指秋生係讚佢哋個個都咁靚，非常直白，大家唔好估太多：「我理解到係褒獎，唔係貶意。」