Anson Lo否認自家品牌logo抄襲 捱風濕痛與神徒歡度情人節

MIRROR成員盧瀚霆（Anson Lo, 教主）最近推出服裝品牌ALLOVER，適逢今日情人節，Anson Lo在尖沙嘴舉行《ALLOVER OUR FIRST DATE》活動，吸引一眾神徒（其fans暱稱）到場，部分人為了霸定好位，竟然早幾天到場排隊。穿上自家品牌的粉紅色長袖衣服，眼鏡look現身的Anson Lo，開心走到不同位置，與在場的神徒玩起自拍，唱起《不可愛教主》來。

同場加映：MIRROR未能合體丨AK交代姜濤冷親腳傷有待痊癒 Stanley爆佢身形：瘦咗啲

{{hket:ul-video id="7608"}}{{/hket:ul-video}}

{{hket:inline-image name="DSC_8853.JPG"}}{{/hket:inline-image}}

{{hket:inline-image name="DSC_8783.JPG"}}{{/hket:inline-image}}

Anson Lo最近在IG透露，腰患又嚴重了，活動上，他表示近排籌備新歌，練舞排舞多了，加上春季超級潮濕，他說︰「我有風濕，要定期搵專業人士做針灸、推拿，唔可以日日做，要攤長治療。」看到自己的品牌「出世」，是否將所有辛苦拋諸腦後？Anson Lo說：「ALLOVER呢個BB，好辛苦呀！真係冇諗過咁辛苦，由每塊布揀咩顏色，用邊間廠、定價；用邊款紙袋，熨金定唔熨金？好多決定要做，我除咗要唱歌、做戲，仲要花少少瞓覺時間處理ALLOVER嘅嘢...」

Anson Lo首推自家品牌ALLOVER 古巨基偕太太Lorraine任軍師【下一頁】

Anson Lo坦言，目標是要令品牌成功，他未有透露投資了多少金錢，只說：「我哋未計賺咗幾多，我同自己講，就算賺得少，都好願意做。我不嬲好鍾意時裝，出到自己100%鍾意著嘅衫，係我最想做到嘅嘢。」現時看到有fans買來穿著，也覺窩心！

提到他邀請古巨基、Lorraine幫手，Anson Lo稱是在活動上認識古巨基，甚是投契，得知對方擁有豐富的做生意經驗。問他如何報答古生古太？「請佢哋食飯！我會預留好多set（套裝）畀佢，我知道佢有好多親戚朋友都好鍾意我，我諗佢哋會好開心。」對於鄭欣宜投訴未收到ALLOVER衫，Anson Lo：「佢絕對喺留衫list啦！好高位置。由同佢講我籌備做衫嗰日，佢就叫我一定要預留一件畀佢，要著得落嘅...我話呢好見仁見智，盡量啦！睇你點樣配搭咋嘛，冇話著唔落。」

回顧2022年︳Anson Lo盧瀚霆罕談MIRROR演唱會事故 被叫唔好提：至今情緒時好時壞【下一頁】

另一方面，有網民發現ALLOVER的logo與某個韓國潮牌相似，似有抄襲之嫌，Anson Lo：「我完全唔認同，其實呢個logo嘅A字，四邊向四方咁打開，ALLOVER嘅意思，係將愛嘅理念遍佈四海，同埋右上角嘅A字係特登漏咗個窿，變番正常A字，正常A字個窿代表好多無限可能性。」

今日情人節，Anson Lo要同神徒一齊過，「對我嚟講，都係戀愛嘅一日，噚日通頂拍咗32個鐘MV，而家係一個好肚餓嘅狀態。」想找個女友？他說：「我唔排除，唔抗拒，緣份嚟到會畀佢嚟，而家會100%專注事業，呢半年有好多計劃。」他透露初戀發生在小六時，笑說：「拖吓手仔，喺人哋櫃桶底寫I love you，放咗學一齊去便利店食燒賣，維持咗一年。」

觀眾在民間電視大獎2022 丨盧瀚霆江美儀獲選為民選視帝視后 《季前賽》奪4獎成大贏家【下一頁】

{{hket:inline-image name="A014_01_a_20230103_L.jpg"}}{{/hket:inline-image}}

對於姜濤早前再度缺席活動，Anson Lo稱差不多每天都會問候對方，「近排喺工作上都有見過佢，經常同佢deep talk，坦白講，2022年發生咗好多嘢，好多情緒上嘅嘢...但佢OK，佢細過我，反而好似堅強過我。佢仲建議我去旅行，我話我啱啱先去完。」

此外，提到在MIRROR演唱會中受傷的舞蹈員李啟言（阿Mo），日前可隨「外骨骼」協助，行完整條走廊，Anson Lo十分鼓舞，「公司每日都update緊新資訊，然後即刻話畀我哋知，當我哋收到呢個消息，係好大嘅進展，覺得奇蹟真係會嚟！我哋每一晚嘅禱告，好似有幫助！好希望大家用任何方法，冇話邊個方法係work，其實係愛，多啲人關注阿Mo嘅傷勢好緊要。」

{{hket:inline-image name="103.JPG"}}{{/hket:inline-image}}

採訪：黃寶蓮

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】