肥媽拒搵第三春被封「女人楷模」 獲贈狗B興奮大叫：有人陪我瞓

Maria cordero（肥媽）老公Rick 2020年離世，兩人自1999年結婚後形影不離，感情相當深厚。肥媽於丈夫離世初時傷心欲絕，不時公開表達對對方嘅思念；而且佢哋一齊養大嘅其中一隻愛犬「旺財」亦於較早前離世，唔少人都擔心肥媽情緒崩潰。幸好佢有一套好正面嘅諗法，內地網民都大讚生離死別睇得通透！

同場加映：MIRROR未能合體丨AK交代姜濤冷親腳傷有待痊癒 Stanley爆佢身形：瘦咗啲

{{hket:ul-video id="7608"}}{{/hket:ul-video}}

日前肥媽於抖音上，接受一位內地網紅訪問，對方問到佢有冇打算「填補」現時感情上嘅「缺乏」，肥媽「一輪嘴」咁講出想法：「佢肯我都唔制，唔好搞我。我17個孫6個仔女，又新抱又乜嘢……不知幾多感情。搵個麻甩佬返嚟？後生過我嘅，梗係貪我啲錢，唔通鍾意我靚呀？佢肯講我都唔信啦；老過我嘅，冇瓜搵個茄呀？嚟服侍呀？我而家幾自由，鍾意打牌打牌，鍾意飛去邊飛去邊，鍾意做生意就做，唔鍾意可以攤喺屋企躺平……我識喇呢個字，躺平！」

{{hket:inline-image name="10.JPG"}}{{/hket:inline-image}}

網民都大讚佢非常清醒，唔會「為搵而搵」，唔會搵人陪伴而結婚，留言：「阿媽說出個重點來」、「其實這個狀態非常棒」、「十幾年前看到肥媽就係這樣。一直無老」、「講得很對，勿惹麻煩」、「肥媽人間清醒，好可愛」、「愛情，留給年輕人吧」、「可以做到人間清醒，主要是可以財富自由」、「肥媽講出咗幾多女人的心聲」。

肥媽今個月18號就踏入68歲，日前佢同家人提前慶生，姪孫為唱生日歌時，手抱著狗BB並綁上禮物結送給肥媽做生日禮物。而一向有養狗的肥媽見到史納沙BB一刻即大叫：「嘩！好靚啊！你邊到攞㗎？」更興奮一手抱起小狗，說：「收過咁多份生日禮物，（呢個）最開心嘅生日禮物！」甚至激動喊：「終於有人陪我瞓覺啦...」相信呢位新成員一定可以彌補肥媽心裏嘅空虛。

撰文︰娛樂組