人氣偶像組合MIRROR今日獲邀出席「一秒GO一起GREEN」活動,原定12子將會事隔兩個多月來首次齊人「合體」,豈料今午MIRROR官方IG公布姜濤因身體不適而被迫缺席活動,令不少姜糖大失所望,事關姜濤自從1月1日叱咤頒獎禮之後就一直「神隱」,姜糖免不了擔心姜濤受到各方的抨擊而影響心情,MIRROR隊長楊樂文(Lokman)和副隊長江𤒹生(AK)都有回應事件。
同場加映:連詩雅單親背景成長望組完整家庭 將嫁陳家樂望愛情保鮮:Never Stop Trying
姜濤身體不適宣布缺席今日活動 神隱42日無緣與MIRROR合體【下一頁】
MIRROR十一子以全白造型登場,唱跳全新作品《GO GREEN》,他們台上大玩遊戲,免不了互窒的場面,陳卓賢(Ian)同邱士縉(Stanley)聲稱寧願叫外賣都唔想食團隊親自製作的飯盒,Ian笑言:「因為好多工作,怕食完會影響到腸胃就唔好!」認真搞笑。
Lokman表示:「我都好期待齊人,好想有齊人演出畀大家。」AK透露昨晚工作完畢時,姜濤已經開始不太舒服,直至今早要睇醫生休息,「應該係轉天氣所以吹親吓!」他們表示成員們跟姜濤一直都保持聯絡,新年期間都有見過面,對於姜濤「神隱」42日,AK表示:「IG出post呢啲就隨心啦,可能佢專心養傷,佢明白Fans緊張,但唔想成日提到傷患會令大家擔心。」呂爵安(Edan)指姜濤情緒還好,他都有為今次活動排舞,腳傷仍然有待慢慢康復。
至於大家最關注姜濤的身形,AK指姜濤目前為止最重要是養好腳傷,很多運動都不能夠做,大家都畀空間佢,唔會畀咁大壓力佢,至於Stanley稱姜濤的確有去他的Gym Room做Gym,所以「瘦咗少少」,「真係瘦咗啲,好多帶氧運動都做唔到,冇帶氧運動就一定會慢啲(修身)。」
拉闊音樂會|Ian加AK夥拍陳蕾「嬲」字開騷 未正式公布 粉絲已密謀撲飛【下一頁】
Edan憑《闔家辣》和《過時‧過節》入圍金像獎最佳新演員獎,跟好兄弟柳應廷(阿Jer)爭獎,他說:「多謝大家,我同Jer真係冇諗過有得入圍,入圍已經好大肯定,冇諗過兩項入圍著唔著數。(拉票拉邊套?)兩套都唔拉票。」Jer笑言:「佢有型啲,有兩個格仔(投票表格)。」
AK同Ian透露現正忙於拍攝劇集《冰上火花》,完成後才有時間去準備拉闊音樂會,提到粉絲們未公布先緊張撲飛問題,AK說:「都係嗰句,唔好買黃牛,未知會唔會有網上直播,我知好耐冇咁樣開騷,大家好想嚟睇,但好似今日個黃牛情況咁就唔係咁好,我哋都好肉赤。(兄弟們做嘉賓?)佢哋之前各自有啦,唔好上嚟搞住我哋喇!」至於王智德(Alton)被發現IG突然大幅刪除追蹤對方,只剩十餘人,他解釋:「因為想專心啲,之前Follow太多嘢,有啲社交疲勞,留得低嘅都係重要嘅人,(ERROR冇晒?)唔重要囉!慢慢來,等我慢慢適應番,冇乜特別原因。」
「教主」盧瀚霆(Anson Lo)的個人品牌將於2月14日情人節正式推出,不過已經有神徒開始排隊,Anson Lo表示:「我知道大家想見我,我幻想到大家要留喺街好多日,真係好肉赤,好想大家注重自己身體,擺自己第一位先。」
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】
撰文:娛樂組