馮素波獲選為「民選最佳女配角」 從演逾70年首次獲獎：多謝觀眾

由Facebook專頁「方以文睇電視喇喂」舉辦的《第7屆觀眾在民間電視大獎2022》，得獎名單於早前公布，當中78歲馮素波（波姐）憑ViuTV劇集《繩角》中的「嫲嫲」角色，獲選為「民選最佳女配角」，是為她逾70年演藝生涯的第一個獎項。

同場加映：MIRROR未能合體丨AK交代姜濤冷親腳傷有待痊癒 Stanley爆佢身形：瘦咗啲

{{hket:ul-video id="7608"}}{{/hket:ul-video}}

{{hket:inline-image name="234.jpeg"}}{{/hket:inline-image}}

波姐在社交平台分享拍攝《繩角》時，與MIRROR成員楊樂文（Lokman）、江𤒹生（AK）、王智德（Alton）及邱傲然（Tiger）的合照，並留言︰「【嫲嫲繼續努力】好多謝《觀眾在民間電視大獎》，在新年伊始收獲我演藝生涯的第一個獎項。好感恩《繩角》這部作品，遇到好好的劇本，優秀的製作團隊，是你們選擇了我。更感恩是有機會與戲中幾位年青人真情互動，讓『嫲嫲』再被大家認識。好多謝各位觀眾，各位網友，各位鍾意我的朋友。多謝乖孫，多謝乖孫新抱，多謝你們成班兄弟。」AK亦有留言恭喜「嫲嫲」。

{{hket:inline-image name="23.jpeg"}}{{/hket:inline-image}}

78歲的波姐出身自演藝世家，其父親，弟弟、妹妹都係從事同影視有關嘅工作，弟弟馮克安係香港資深電影動作演員（已離世），而妹妹亦係「七公主」中嘅馮寶寶。馮素波很小的時候就與父親出入片場，繼而以童星的身份開啟她的演藝事業，1964年與曹達華、于素秋一起拍攝了《如來神掌》為不少人所熟悉。

波姐1986年轉戰電視圈加入亞視，1990年簽約TVB。當時佢40歲就已經開始演媽媽、婆婆角色，演出多咗呢類角色，自己也演出了一套心得，能將老態呈現得維妙維肖，令佢成為咗「御用婆婆」。雖然佢被局限咗扮演特定角色，但從來都冇任何怨言，對於佢嚟講最重要係有得演戲，佢形容演戲偽佢「一生摯愛」。

現時波姐跟無綫簽「一show」合約，稱自由度比較大，「我自知年紀越來越大，都想減少工作量嘅壓力，唔想為咗還show而忙碌。目前我喺商台一個星期主持一次《樂齡王國》，咁會輕鬆啲，而且多啲時間參與長者服務活動，演唱會等等！」

{{hket:inline-image name="327182837_884115482930436_91284265516289828_n.jpg"}}{{/hket:inline-image}}

馮素波貼MIRROR合照與鏡粉互動 「請問蛋白粉又係咩嚟呀」【下一頁】

撰文：娛樂組