黃淑儀全面通關即由香港飛到北京 似鄰家「阿豬媽」被內地傳媒「捕獲」

現年73歲嘅黃淑儀（Gigi姐）自1981年再婚後就同丈夫到英國考取專業資格學位，為愛情家庭放棄演藝事業，當時佢正拍攝緊劇集《蕭十一郎》，都向導演及編劇提議刪減戲份！近年仔大女大佢就開始有零星幕前演出，不過都係以輕鬆為主，疫情期間更係近乎零生產，享受退休生活，非常寫意。日前香港與內地全面通關，Gigi姐就成為首批由香港飛到北京的旅行團團友，仲喺機場以遊客身分接受傳媒訪問，畫面非常搞笑，感覺親切。

同場加映：風再起時丨郭富城掌摑梁朝偉感壓力 「點捨得一巴伸落去吖」

{{hket:ul-video id="7575"}}{{/hket:ul-video}}

節目中Gigi姐被稱為「香港遊客黃淑儀」，訪問中佢透露自己第一次去北京係2006年，但因當時工作太忙都冇乜去玩；今次報團到北京旅遊，佢就希望去雍和宮、冬奧會場地，仲有食北京烤鴨同其他特色小吃等等，而Gigi姐在出發前還看了很多關於北京的紀錄片，做足功課，佢難掩興奮表示：「過了三年多的時間不能出門，所以我們都很期待這一次到北京來。」

{{hket:inline-image name="bc4f59a53fd1e2817818e6c402fd9d30.jpg"}}{{/hket:inline-image}}

其實Gigi姐都唔係第一個以「平民」身分上電視嘅明星，國際巨星發哥都曾現身有線新聞，回應串連新界單車路的計劃。事緣發展局長陳茂波發表網誌，提到計劃串連新界單車路段貫通新界東西部；但指荃灣至屯門單車徑的建設，因地形及附近居民反對而有阻滯。有線記者就到該區訪問居民意見，途中「野生捕獲」正在該區跑步嘅發哥，發哥表示贊成於該處興建單車徑，又話：「多啲人運動好呀！全城運動呀嘛，應該起多啲（單車徑）喎！」而報道播出時，亦寫明其名字是「周潤發」。

周潤發其實2008年曾亮相TVB新聞，當時記者採訪雞檔問有關冬至嘅生意狀況，發哥就於街市相熟雞販旁受訪，講食新鮮雞，非常經典。