孫慧雪被醫生冷待及時轉院保胎 分享安胎針價錢相宜：可以救命

孫慧雪再懷孕，已屆40歲的她又有腺肌症及腺肌瘤問題，12周前又有出血情況，是故每晚都要到醫院打安胎針。孫慧雪稱至少打咗40針，總算過到佗B第一關。唔少備孕、初懷孕嘅女士得悉其經歷後，都有向佢請教，阿雪大方分享個人經歷。

同場加映：連詩雅單親背景成長望組完整家庭 將嫁陳家樂望愛情保鮮：Never Stop Trying

{{hket:ul-video id="7557"}}{{/hket:ul-video}}

孫慧雪稱，6年前佗大仔時，佗到兩個月時突然大量出血，先生就立即載佢去就近公立醫院，但就遇上幾位新紮醫生唔識處理；佢哋打電話問資深醫生時，資深醫生反問「有冇組織流出」。阿雪唔知流出嚟嘅係乜嘢，更加憂心，幸好照超聲波時BB仍有心跳，惟院方話「要等聽日，而家咩都做唔到」，仲話BB「有就有，冇就冇」。阿雪徹夜難眠又肚子痛，忍唔住問護士「有冇醫生嚟」，得到嘅回應係「醫生聽日先嚟到」。

{{hket:inline-image name="329212285_725089362527091_8014930811067847862_n.jpg"}}{{/hket:inline-image}}

孫慧雪表示自己最後瞓咗一晚，老公入唔到去，都喺醫院長凳坐足一晚，而第二日下午仍然冇醫生，佢哋選擇轉院，阿雪：「另一家醫院女醫生立即幫我打針！有呢種情況要立即打針，就係所謂嘅安胎針，其實係黃體酮。醫生話，有啲病人慣性流產，會喺頭三個月每天注射！」阿雪沒有放棄，感恩免卻了不幸。

阿雪有咗呢次經驗之後，經常同身邊朋友分享，希望大家都識處理。而今次呢一胎佢請醫生署方，放門診部，假如有咩突發事，就算過了診症時間，都可以去24小時門診照醫生預先寫好的署方去打針，又表示安胎針價錢相宜，「好多網友以為安胎針價錢好貴！又說咩嘢有錢才可以打！大家睇睇單據，私院，針劑連注射只是$199一枝，可以救命，非常OK！」

唔少網民都戥孫慧雪一額汗，又表示公立醫院認真信唔過，阿雪就補充佢嘅言論冇針對任何一邊，「我唔係想講公立或私立邊樣較好！只係睇遇上咩醫生，公立都有醫生好好！我亦試過有好好嘅經歷，而朋友亦試過去私立醫院，遇上冇幫佢照超波就話佢BB已經小產咗，叫佢食藥排出剩餘組織，好彩佢哋堅持睇多個醫生，第二日去睇第二位醫生時，先知BB仲喺度，而家都已經5歲！」

撰文：娛樂組

圖片來源：Instagram