新四十二章︳前亞視港男梁皓楷演躁鬱症富豪 打完陳豪又咀譚凱琪超搶鏡

前亞視港男梁皓楷在劇集《新四十二章》內飾演患有躁鬱症的富豪Alex石磊，是臨床心理學家Frances（譚凱琪 飾）的前男友，在昨晚播出一集內可謂勁搶眼，不單出拳打傷男主角章經（陳豪 飾），之後發癲對Frances爆樽，最終要靠女方一吻才冷靜下來。

{{hket:inline-image name="02071002.jpg"}}{{/hket:inline-image}}

{{hket:inline-image name="02071001.jpg"}}{{/hket:inline-image}}

同場加映：連詩雅單親背景成長望組完整家庭 將嫁陳家樂望愛情保鮮：Never Stop Trying

{{hket:ul-video id="7557"}}{{/hket:ul-video}}

梁皓楷外型高大成熟，近年較多演警察、律師及醫生角色，他亦有搞笑一面，前年客串《愛回家之開心速遞》單元「肥娥有人爭」，演靚仔廚神Pierre，跟「大龍生」羅樂林爭「三太」樊亦敏。梁皓楷接受《晴報》訪問時表示：「接演躁男Alex呢個角色都幾緊張，係導演April搵我拍，之前合作過識得，佢想我試吓呢個角色，話只得兩集戲份，好好玩嘅。我覺得好正呀！試新嘢，有發揮。有日佢捉咗我返公司同Zoie（譚凱琪）圍讀劇本，對方問我會點樣去演？我感受到角色啲乜嘢？畀女方咁樣對待，我又會點發癲？」

新四十二章︳龔嘉欣角色前世係《鹿鼎記》鰲拜 張智霖曾華倩更早拍輪迴轉世劇【下一頁】

追問同Zoie拍咀嘴戲的感覺？他說：「唔算係熒幕初吻，只不過我好多時都做警察、醫生、律師同老公角色，永遠冇愛情戲份，同呢啲親熱戲絕晒緣，手仔都冇得拖吓，成日都揸住支槍去衝！呢次對我嚟講真係好好玩，係一種挑戰，一場考驗，用咗好多心機入去鑽研。場戲講我發癲，Zoie一吻令我醒番...事前係唔知道佢點錫，導演話印落去就得...我投入角色，進入躁狂狀態，變成躁男Alex，拍嗰時係咩都冇諗，佢做咩錫咗落我個嘴呢？claim down後，望住佢講對唔住。有啲行家話羨慕我啦，可以錫到Zoie，當時咩都冇諗，嗰刻並唔係梁皓楷，所以冇佢哋嘅諗法。加上做呢行男演員，好怕拍呢啲場口，隨時女方有咩說話就麻煩啦！」

新四十二章丨易宇航講唔正廣東話被笑難溝通 「而家做咩扮嘢聽唔明我講咩？」【下一頁】

梁皓楷大讚Zoie演戲經驗豐富，引導他快速地進入戲劇世界。拍攝時也頗順利，導演兩take就收貨，「導演唔鍾意排戲，要我哋喺現場，感受到啲乜嘢就去演；即係未必需要等講完某句對白就去錫，可以就住當時自己嘅情緒、肢體動作去演出，去配合對方，發展劇情。」

（↓點擊放大睇圖片↓）

提到花絮片段見他先後打了陳豪兩次，梁皓楷笑言冇驚又冇緊張，因為同對方先後合作過《飛虎3壯志英雄》同《白色強人II》，「現場又有武指睇住，咁我都有拍動作戲經驗，拍呢啲場口冇咩問題。阿Mo係老江湖又識得借位，更加係非常之安全。講真呀！等躁男Alex呢類角色等咗好耐，我唔再係扮演跟住老細後邊，着住西裝點頭做反應嘅人物。導演仲揀咗好多套衫畀我，特登要我返公司試衫，因為角色係個有品味嘅有錢佬，我幾鍾意呢個造型，唔知觀眾又點睇？」他再一次多謝導演April找他演出，同時稱此劇監製陳維冠原本安排他演另一角色的，可惜因為撞期而未能參與。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】