阿嬌前夫做湊B住家男享家庭樂 賴弘國第三任老婆欣賞「小確幸」

有台灣「醫界王陽明」之稱嘅賴弘國大前年同鍾欣潼（阿嬌）離婚，去咗內地搵銀嘅阿嬌越嚟越索，不過感情方面就似乎仲未有着落；而男方就喺上年年頭爆出新戀情，第三度結婚之餘仲做埋老竇，二人從此不相往還。賴弘國同太太不時網上曬幸福，日前係佢太太Alice生日，賴弘國都有為佢安排小驚喜，氹得老婆好開心呀！

同場加映：連詩雅單親背景成長望組完整家庭 將嫁陳家樂望愛情保鮮：Never Stop Trying

{{hket:ul-video id="7557"}}{{/hket:ul-video}}

阿嬌2018年5月同賴弘國結婚，兩人於美國大搞婚禮，回港後再補擺喜酒，婚宴及賓客的住宿費用等都由賴弘國負擔，再加上去馬爾代夫蜜月旅行，當時賴弘國曾自爆幾乎花光所有積蓄，坦言經濟壓力好大，但阿嬌就堅持唔會出錢，並解釋：「那是因為我不希望拿錢把自己嫁出去。」賴弘國亦直言因為阿嬌的明星身份增添了不少壓力，會被放大關注。

{{hket:inline-image name="12.jpg"}}{{/hket:inline-image}}

一早講過自己恨做爸爸嘅賴弘國上年8月願望成真，幸好經歷過兩次婚姻失敗嘅佢冇對愛情失去信心，今次「反璞歸真」，娶返普通打工仔Alice，賴弘國不時曬同仔仔嘅合照，而太太Alice喺賴弘國嘅社交平台都終於「解鎖」，冇再版遮住靚樣，賴弘國仲會留言多謝太太嘅付出，非常溫馨 。

日前Alice生日，二人冇大肆慶祝，而係一齊喺屋企「頹」，Alice post出老公為佢安排嘅小驚喜，留言：「沒想到耍廢的生日這天，竟然在睡前變出我最愛的草莓（士多啤梨）蛋糕和卡片，謝謝老公。」見到相中枱上有一個二人份嘅小生日蛋糕插上蠟燭，仲有一支白酒兩個酒杯，似乎係二人世界過生日，而Alice似乎都好欣賞呢份平淡嘅小確幸，非常感恩。

撰文：黃蘊姿