46歲黃宇詩罕有曬過十年拖友 曾被彭慶餘前妻指控介入婚姻

現時46歲嘅已故香港才子黃霑孻女黃宇詩，同測量公司董事男友彭慶餘（Peter）拍拖至今已經超過10年，可能因為二人一開始就是地下情嘅關係，所以一直都愛得低調，從來唔會放閃，亦冇明示或暗示過有打算結婚。不過日前黃宇詩一反「常態」，大曬同男友遊日嘅靚相，相當溫馨！

同場加映：  吳偉豪去年成功甩醜聞大翻身獲獎 與周嘉洛同舟共濟求進步冇分先後

{{hket:ul-video id="7504"}}{{/hket:ul-video}}

各地放寬入境限制，唔少人都開始外遊。日前黃宇詩都去到日本旅遊賞雪，仲一改作風，Post同男友Peter合照，黃宇詩留言：「唯一有點不習慣，就是這次天氣比起我過去滑過雪的四年當中，來得最寒冷...天氣冷了那麼多，而踏入中年的我，身體沒那麼捱得了，過了一回兒便要休息。而晚上回到酒店真的累透了，不再像三年前，軍訓式滑雪朝8晚5，睡個覺又一條好漢。惟有這次放慢節奏，花多點時間吃，享受難得的慢活。」雖然二人冇特別親暱放閃，不過其中一張相見黃宇詩輕搭Peter肩膀，感覺似一對好有默契嘅朋友，溫馨又甜蜜！

{{hket:inline-image name="Wha.jpeg"}}{{/hket:inline-image}}

黃宇詩可以話係「守得雲開」，因為二人一開始拍拖嘅時候流言四起，並唔係好順遂。事緣係Peter嘅前妻Cady 2017年於TVB節目《關你家事》中就直指自己嘅婚姻被小三破壞，Cady指當時與Peter還沒離婚，處於分居狀態，直至2014年才正式離婚。不過黃宇詩就多次澄清係喺Peter離婚後先同對方正式拍拖，強調自己冇介入人哋嘅婚姻，表示：「其實我認為冇人真係鍾意成為小三，如果你真係想做小三，都有啲變態。」

黃宇詩又曾於節目《閨蜜20+》中大呻慘被當成第三者之苦：「我真係覺得我好慘，因為我永遠係不知情之下，我就被標籤做咗人第三者，明明已經清楚知道或者問清楚個男仔，佢係冇女朋友嘅，但冇啦啦又冒一個正印出嚟，或者拍拖一段時間之後，又冒一個出嚟，成個人就真係晴天霹靂。」佢表示選擇相信男方：「明明前度已經分咗手，但永遠覺得我係破壞佢段關係嘅人，我覺得好唔抵，其實係嬲豬呀，但冇辦法，唔通吓吓都因為咁憤世嫉俗咩，所以兩個人關係要搞好，一段關係還一段關係，唔容許有第三者。」