龔嘉欣投資日籍餅師男友蛋糕店 陳凱琳牽紅線秘密拍拖兩年同居

龔嘉欣入行後緋聞不絕，未遇到真命天子，但近日就爆出33歲嘅佢終於有拖拍。陳凱琳日前上載短片到IG，見譚凱琪等人上門拜年，一名紅衣男子喺龔嘉欣身邊，大合照時，龔嘉欣抱住BB，男子緊貼身後，令人不禁聯想係咪男女朋友關係？龔嘉欣出席公開活動時暗示蜜運中，仲話「要為將來打算」。

同場加映：健身室開張丨關曜儁快將做爸爸緊張到發噩夢 《下流》羅毓儀新年狂食求救減肥

{{hket:ul-video id="7514"}}{{/hket:ul-video}}

龔嘉欣原來一直冇「收埋」男友，佢哋仲係生意拍檔，二人嘅社交平台都有雙方「軌跡」。龔嘉欣男友名為松岡哲也，現年38歲，九州長崎長大，18歲學做甜品，3年後再到福岡蛋糕店實習，前後共花了6年時間鑽研蛋糕同和菓子。24歲時隻身到東京發展事業，不過就唔係做蛋糕師傅，而係去行天橋、拍廣告做model。男方喺東京5年，並未放棄開設蛋糕店嘅夢想，一有時間就會為朋友製作甜點，約10年前跟隨大隊嚟香港行show，認識咗幾位打算開蛋糕店嘅日本朋友，當時29歲嘅佢決定留港發展。

{{hket:inline-image name="285013805_382059790557643_1284317646664564739_n.jpg"}}{{/hket:inline-image}}

由模特界再轉番去做蛋糕師，除咗擔任甜品師傅外，每月亦會開班教整蛋糕，於PMQ開Café（現已結業）；之後轉攻蛋糕零售店，其中尖沙咀K11 Art Mall嘅一間店，龔嘉欣有份投資。二人係經陳凱琳介紹，真係「緣來沒法擋」。

據知，龔嘉欣同松岡哲也已經拍拖兩年，感情穩定，目前發展到同居階段，有生兒育女打算。作為老闆娘嘅龔嘉欣不時於社交平台宣傳蛋糕店，又會到拉大隊到工場拍攝，戀情浮面。有爆料者稱，松岡哲也同龔嘉欣拍拖前，同另一位TVB女星有過一段情，又指該名女星同龔嘉欣關係一般，雙方IG冇互相follow，更直指松岡先生喜歡同藝人拍拖。

撰文︰娛樂組

圖片來源：Instagram