無限超越班丨梁家輝為拍戲3年冇見初生囡囡？ 孖女甫童年照揭烏龍真相

影帝梁家輝早前作客內地綜藝節目《無限超越班》，分享曾連續3年不斷工作，忙到喺一對雙胞胎囡囡3歲前都冇見過面，喺節目中感慨地表示：「眼淚往心中流。」自責為工作忽略家庭，真係聞者傷心。不過翻睇佢一對孖女嘅社交平台，似乎呢位爸爸「擺烏龍」。

同場加映： 健身室開張丨關曜儁快將做爸爸緊張到發噩夢 《下流》羅毓儀新年狂食求救減肥

{{hket:ul-video id="7514"}}{{/hket:ul-video}}

梁家輝近日於內地節目《無限超越班》中提到，當年曾連續3年工作，不曾回家休息，「每天跑3組，每組8個小時，只能轉場在車上睡覺。」梁家輝咁努力工作全因要賺奶粉錢：「我女兒出生那天我見過一面，從0歲到她們3歲，我沒有見過她們一面！每天只能借用大哥大磚塊電話，每天打一通電話回家，他們都會聽到我的聲音。」又指當孖女3歲時，他回家見她們，兩名女兒怕得躲在工人背後問：「為甚麼這個叔叔聲音是那麼熟悉，但是我們從來沒見過他？」梁家輝表示非常心痛：「眼淚往心中流。」

{{hket:inline-image name="Wh.jpeg"}}{{/hket:inline-image}}

不過由於梁家輝兩名女兒用心經營IG等社交平台，唔小心「踢爆」擺烏龍。佢嘅囡囡梁穎晨（Chloe）同梁靜禧（Nikkie）經常分享童年照，當中有唔少嘅父女合照都係明顯攝於3歲前。不過兩女分享嘅家庭照中都有唔少係重覆，可能童年時期父親的確甚少在旁，合照唔多。

梁家輝26歲已憑電影《垂簾聽政》封金像影帝，成為香港電影金像獎史上最年輕影帝，其後更片約不斷，演技備受肯定。事業衝刺但忽略家庭，令梁家輝非常自責，不過現時佢已經半退休，彌補同家人之前失去嘅相處時間。梁家輝不時同太太同兩女周遊列國，夫妻恩愛令人羨慕，而兩女亦非常理解爸爸當年為事業博殺養家，十分尊敬佢，更封佢為「The best Dad in the world」（世上最好的爸爸）。

圖片來源：Instagram