毒害狗狗︳佐敦狗公園拋朱古力疑毒狗 黑心男當場斷正被質問 一句辯解勁無賴

可以不愛，但不要傷害。佐敦狗公園近日出現一名毒狗狂徒，一名戴黑框眼鏡的男子被發現疑不止一次在附近故意亂拋朱古力，意圖毒害園內狗隻。有現場狗主見狀即當場喝止，並拍片錄下證據，證實該名男子當時正手持一袋朱古力。對於現場其他狗主的質疑，他竟辯稱只是「玩吓咋」。

同場加映：

Sick問識答︳銀屑病致皮屑痕癢發炎 皮膚科醫生有扮靚貼士 助你繼續美麗動人

{{hket:ul-video id="7464"}}{{/hket:ul-video}}

手持一袋朱古力「斷正」

據Facebook群組「狗狗義工組」一段附有片段帖文指，該名疑似毒狗的短髮男子身高約1.78米，戴有黑色粗框眼鏡，而且「皮膚有濕疹，紅色敏感皮膚」，帖文又批評「此人不止一次故意把朱古力拋進佐敦狗公園」。

在該段長約6分鐘的片段中，拍攝片段的男片主在狗公園內一直追拍著該名手拿著白色膠袋的男子，並怒斥對方指：「掟啲朱古力入嚟呀，咪行住呀你」，期間附近亦有女聲表示已經報警。男子則表現不安，一直來回踱步。片主這時發現地上出現一塊朱古力，遂喝令該男子立即執起丟進垃圾桶，並繼續狠批他指：「你知唔知狗食咗會死？」

片主其後又要求男子交代他手上膠袋內的物品，並表示：「我懷疑你嗰啲嘢有毒，你攞出嚟睇吓。」沒想到，男子從膠袋拿出的正是一排朱古力，又堅稱是新買的。片主見狀即狠批：「你變態㗎？」男子這時竟無賴地指：

「唔係呀，玩吓咋！」

片主聞言大怒：「玩吓？咁大個人，玩乜嘢呀玩，咪走呀你，你陣間解釋清楚，你離譜㗎咁大個人。」片主又指，已經不止一次在狗公園見到這名男子亂拋朱古力，現場有其他狗主得悉情況後亦批評：「新年流流，心地咁差......唔鍾意狗就唔好入嚟啦」、「我畀啲毒藥你食之後同你講玩吓」、「你禽獸都不如」。男子對現場的質問再沒有辯解，僅不斷來回踱步，又四處觀察草叢，疑似想拾回丟棄的朱古力。最後，片主表示：「你搵清楚，一間食死啲狗」後就片段結束。

片段曝光後即引來大批網民熱議，不少網民狠批該名毒狗的男子「心理有問題」、「過年流流都要畀人咀咒佢」、「作為一個成年人，連小動物都容不下，枉為人，不知所謂」、「我就唔信佢唔知朱古力有毒，好餵唔餵就偏係用朱古力」。另外亦有網民感激片主伸張正義，「有你呢種人好好，唔係全部狗畀佢害死晒」。

專家：可可鹼、咖啡因屬貓狗有毒物

對於狗隻誤吃朱古力的風險，香港浸會大學生物系一級講師余英傑博士曾表示，朱古力含有高量可可鹼及咖啡因，這兩樣物質都是屬於甲基黃嘌呤類（Methylxanthine）的化學物質，對狗、貓而言是有毒物質。致死的最低劑量為100-200毫克/公斤,  因此1公斤重的貓狗只要吃2盎司朱古力已足以致命。貓狗誤吃的話會出現嘔吐、腹瀉、抽搐、顫抖、癲癇呼吸急促等症狀，嚴重更會導致心律不整、休克甚至死亡。

10大毛孩不能食用食品

據香港愛護動物協會（SPCA）曾經分享指，除朱古力外，貓狗等寵物其實對高鹽高油食物會對毛孩造成腸胃極大負擔，嚴重甚至會出現腸胃炎、嘔吐及肚瀉等情況，當中以下為10大毛孩不能食用食品︰

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

每朝索取《晴報》：精明生活．健康家庭．開心娛樂