梁葆貞大爆爸爸梁醒波好眼淺 當年被劉天賜睇中演「順嫂」

無綫經典處境劇《香港81》系列的「順嫂」梁葆貞，早前由加拿大回港，與顏國樑驚喜現身無綫《萬千星輝賀台慶》。日前，她在「鑽石酒家 Diamond Restaurant 1947」YouTube頻道，接受姪兒梁智宏（Andrew）訪問，大談爸爸梁醒波昔日往事。

同場加映：吳偉豪去年成功甩醜聞大翻身獲獎 與周嘉洛同舟共濟求進步冇分先後

{{hket:ul-video id="7504"}}{{/hket:ul-video}}

{{hket:inline-image name="10.JPG"}}{{/hket:inline-image}}

梁葆貞指波叔對每個子女都很好，是一個典型的慈父，她憶述大約17歲在大陸開始做戲，相隔多年，波叔前往探望，「幾廿年冇見，見到佢已經白髮蒼蒼，眼淚係咁流，我話『你唔好喊啦，見到我開心吖嘛！我生活好好呀！』當時我冇再演戲，因為生咗個女，我就申請離團，之後喺文化局做嘢。」她指兩父女閒談之際，波叔突然肚餓，梁葆貞只好「煮碗麵你食」，波叔拿起碗麵，覺得有點不對路，「冇油喎！」梁葆貞當時跟波叔說：「老竇，呢度係我成個月油，我一個月得4両油，呢度落咗好多滴，佢啲眼淚又流，又喊喇，我話『你唔好咁啦，我哋呢度個個都係咁，我哋要配給，唔係有錢買幾多就幾多。』」後來，波叔每年都託人送油給女兒梁葆貞。

萬千星輝賀台慶丨順嫂陳積驚喜現身勾起集體回憶 顏國樑聲沙爆鱗狀細胞癌正做化療【下一頁】

為了女兒的下一代有更好的生活，梁葆貞指波叔出動人情牌，要求當時的文化局放人，讓梁葆貞與家人返回香港。回港後，波叔提議梁葆貞入無綫拍劇，可惜遭梁葆貞拒絕，「波叔個名咁大，人哋托你手踭，你好難落台，面子過唔到，我話唔好。」

《餐餐有宋家》28周年丨梁葆貞張鳳妮訪港約老友重聚 網友指獨欠古天樂 陳曼娜話...【下一頁】

{{hket:inline-image name="12343.JPG"}}{{/hket:inline-image}}

不過，一個偶然令梁葆貞加入無綫，在《香港81》飾演順嫂一角，她說：「波叔死嗰陣，無綫係喪主，我喺度燒金銀衣紙，咁就被劉天賜睇中，順嫂就係呢種女人，肥肥哋，又係咁嘅年紀，跟住起我個底，知道我之前拍過電影，即係唔使培訓，同埋《香港81》主要係要新面孔，當時黃新叔一個帶住，其他（演員）都好新。之後我見到劉天賜，我同佢講『賜官，好多謝你畀呢個角色我，我搵到第一桶金。』你估劉天賜點講？高人真係高人，佢話『我亦都多謝你同我做活咗呢個角色。』佢令你好舒服，佢唔會話『全靠我咋！』。」梁葆貞指由《香港81》至《香港86》，這6年來，沒有放過一日假，當時接拍不少廣告，第一桶金可供子女到外國讀書。

影片內容來源：
https://www.youtube.com/watch?v=ruK6ksdkgJs

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】