吳啟華14歲氣質囡囡撞樣黃聖依 媽媽石洋子離婚後更青春似家姐

現年58歲的吳啟華同細佢21年嘅前妻石洋子育有一女兒吳熙兒（小豬豬），小豬豬不經不覺已14歲，長得亭亭玉立，近日佢喺社交平台貼出多張露腰照，氣質相當出眾。

同場加映：  愛回家丨張景淳呂慧儀初三赤口愛鬥嘴 感激龔水黨睇得投入 期待龔丸出世

{{hket:ul-video id="7470"}}{{/hket:ul-video}}

吳熙兒身穿灰色短上衣配上牛仔褲，露腰裝青春洋溢，仲乘住兔年加上兔耳朵特效，非常可愛。熙兒身材修長高佻，好似model一樣，好有明星相。熙兒仲大曬近鏡自拍，長髮氣質出眾，加上一雙水汪汪的大眼睛，鵝蛋臉、高鼻嘴細，五官相當精緻。

{{hket:inline-image name="WhatsAp.jpeg"}}{{/hket:inline-image}}

吳熙兒仲post出同媽媽石洋子嘅合照，石洋子離婚後更加容光煥發，更加年輕，而且仲keep住一條纖腰，霎眼睇仲以為佢同熙兒係兩姊妹，辣媽之名當之無愧。

吳啟華曾係TVB一線小生，演出過無數經典劇集，包括《妙手仁心》系列、《倚天屠龍記》、《美味情緣》、《女人俱樂部》等。吳啟華一度離巢TVB向電影界發展，1992年與泰國富家女Varintra結婚後便退出演藝圈，可是這段婚姻僅維持3年便離婚收場。

離婚後的吳啟華重返TVB，後來北上發展，與第二任妻子石洋子因合作拍劇而結緣，於2007年在香港註冊成為夫妻，翌年誕下囡囡。不過，當時有報道指出石洋子是「大花筒」，經常出入名店，曾一個月碌卡達六位數字，當時吳啟華維護前妻表示：「想買靚嘢係人之常情，除非我冇能力，有能力會滿足佢，而且佢係我太太，唔買畀佢買畀邊個呢？」

有傳揮霍無度的石洋子在7年內花掉了吳啟華10億身家，令到吳啟華最後頂唔順提出離婚。離婚後，吳啟華相當照顧石洋子，讓女方繼續生活無憂，有傳除月付6萬人民幣（約6.97萬港元）贍養費之外，亦會額外給予前外母20萬人民幣（約23.2萬港元）「家用」。而石洋子離婚後就將囡囡長期交由媽媽照顧，經常周遊列國，吃喝玩樂，在疫情前，石洋子幾乎每個月都會出國旅行，食好住好歎世界，享受單身貴族生活，不時曬名錶、名牌。

圖片來源：微博